21:11 29 Oktyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
119 0 0

Oʻzbekistonda sogʻliqni saqlash tizimini boshqarish va moliyalashtirishning butunlay yangi tizimi joriy etilmoqda.

TOSHKENT, 21 sen - Sputnik. Oʻzbekistonda Tibbiy sugʻurta tizimini tashkil qilish boshlandi. Normativ hujjatlarni muhokama qilish portaliga Vazirlar Mahkamasining “Davlat tibbiy sugʻurtasi tizimini joriy etishga oid tashkiliy chora-tadbirlar toʻgʻrisida”gi qarori loyihasi eʼlon qilindi.

Loyihada aaytilishiga koʻra, dastlab Davlat tibbiy sugʻurtasi jamgʻarmasi tashkil etiladi. Jamgʻarmaning asosiy vazifasi etib quyidagilar belgilangan:

  • davlat tibbiy sugʻurtasi tizimini joriy etish va boshqarish;
  • aholining barcha qatlamlariga davlat tomonidan kafolatlangan tibbiy yordam koʻrsatilishini moliyalashtirish;
  • daromadlar va xarajatlar prognozi, manfaatdor vazirliklar bilan byudjetni shakllantirish;
  • davlat byudjetidan ajratiladigan mablagʻlar va boshqa tushumlarni jamlaydi va boshqaradi;
  • sugʻurtasi dasturlarini ishlab chiqishda ishtirok etadi va ularni amalga oshirishni moliyalashtiradi;
  • tibbiy xizmatlar strategik xaridlari mexanizmlarini ishlab chiqadi va davlat tomonidan kafolatlangan tibbiy yordam hajmiga kiritilgan tibbiy xizmatlar uchun toʻlovlarni amalga oshiradi;
  • davlat tibbiy sugʻurtasining yagona elektron axborot tizimi va resurslarini boshqaradi;

Qonun loyihasida 2021 yil 1 iyuldan 2022 yil yakunigacha boʻlgan muddatda Sirdaryo viloyatida davlat tibbiy sugʻurtasi tizimini joriy etish tajriba-sinov loyihasini amalga oshirish ham aytib oʻtilgan. Bundan maqsad - tibbiy xizmatlar koʻrsatish va sogʻliqni saqlashni moliyalashtirishning yangi moddellarini aprobatsiyadan oʻtkazish etib belgilangan. 

Sirdaryo tajribasi doirasida quyidagi asosiy vazifalar belgilangan:  

  • sogʻliqni saqlashni moliyalashtirishning samarali mexanizmlarini hamda tibbiy xizmatlar koʻrsatishning yangi modellarini amaliyotga tatbiq etish;
  • tibbiy xizmatlar uchun toʻlovlarni jon boshiga moliyalashtirish, “davolangan holat” hamda bajarilgan ishlar natijalari boʻyicha amalga oshirish usullarini joriy qilish;
  • davlat tomonidan kafolatlangan tibbiy yordam doirasida tibbiy xizmatlar strategik xaridini amalga oshirish metodologiyasini ishlab chiqish;
  • barcha darajadagi ambulator-poliklinika hamda statsionar davolash-profilaktika muassasalarida zamonaviy klinik va iqtisodiy boshqaruv mexanizmlarini yaratish;
  • mutaxassislarni oʻqitish, qayta tayyorlash va ularning malakasini oshirish orqali sogʻliqni saqlashni boshqarish, moliyalashtirish hamda tibbiy xizmatlar koʻrsatish sohalarida kadrlar salohiyatini mustahkamlash;
  • tajriba-sinov loyihasi doirasida tibbiy xizmatlar koʻrsatish sohasida integratsiyalashgan axborot tizimi va resurslarini yaratish hamda ularning uzluksiz ishlashini taʼminlash.

Loyihada kelitirilgan statistik maʼlumotlarga koʻra, bugungi kunda Sirdaryo viloyatida sohliqni saqlash sohasidagi vaziyat Respublika boʻyicha oʻrtacha koʻrsatgichlardan pastligi kuzatilgan. Maslan, viloyatda oʻrtacha umr davomiyligi 71,7 yilni tashkil qilgan. Respublika boʻyicha oʻrtacha koʻrsatgich - 74,6 yilni tashkil qilmoqda. Undan tashqari shifokorlar soni har 10 000 nafar aholiga nisbatan 16,4 nafarni tashkil qilgan. Respublika boʻyicha oʻrtacha koʻrsatkich – 27,2 nafar. 

Asosiy mavzular