13:05 25 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
23410

Oʻzbekistonda aholi punktida avtomobil magnitofoni ovozini baland qilib qoʻyganlik uchun jarima joriy etiladi

TOSHKENT, 21 sen — Sputnik. Oʻzbekiston Respublikasi Maʼmuriy javobgarlik toʻgʻrisidagi kodeksining 127-moddasiga oʻzgartish va qoʻshimcha kiritish toʻgʻrisida qonun loyihasi umumiy muhokamaga qoʻyildi.

Loyihada Oʻzbekiston Respublikasi Maʼmuriy javobgarlik toʻgʻrisidagi kodeksining 127-moddasining birinchi qismiga qoʻshimchalar kiritilib, ushbu modda qoʻyidagi tahrirda bayon etilmoqda:

“Tovush signalini sababsiz berish, aholi punkti yerlarida transport vositalarining magnitofon va ovoz chiqaruvchi boshqa apparaturalaridan ovozini baland qilib foydalanish, transport vositalariga uni ishlab chiqargan korxona nazarda tutmagan tovush chiqaruvchi va yorituvchi qurilmalarni oʻrnatish” soʻzlari bilan toʻldirilmoqda.

Mazkur modda birinchi qismining sanktsiyasidagi bazaviy hisoblash miqdorining bir baravari miqdoridagi jarima uch baravari miqdoriga oʻzgartirilmoqda.

“Statistik maʼlumotlarga koʻra, 2018 yilda 6 466 nafar, 2019 yilda 9 911 nafar hamda 2020 yilning oʻtgan 8 oyi mobaynida 8 763 nafar (jami 25 140 nafar) transport vositalari haydovchilari belgilanmagan joylarda faqatgina tovush signalini sababsiz berishi va transport vositalariga uni ishlab chiqargan korxona nazarda tutmagan tovush chiqaruvchi qurilmalarni oʻrnatishi bilan bogʻliq qoidabuzarliklarni sodir etgani uchun Oʻzbekiston Respublikasi Maʼmuriy javobgarlik toʻgʻrisidagi kodeksining 127-moddasi bilan maʼmuriy javobgarlikka tortilganlar.

Jahon sogʻliqni saqlash tashkiloti tavsiyalarida avtomobil salonida tovush balandligi 85 dB dan baland boʻlmasligi hamda koʻpi bilan 8 soat tinglash tavsiya etilgan. Shu bilan bir qatorda tovush balandligi 90 dB boʻlganda 2,5 soat, 95 dBda 47 daqiqa, 100 dBda 15 daqiqa, 105 dBda 4 daqiqa, 115 dBda 28 soniya, 120 dBda 9 soniyadan ortiq tinglash inson salomatligiga salbiy taʼsir qilish va karlikka sabab boʻlishi mumkinligi qayd etiladi”, - deyilgan hujjat tushuntirish xatida.

Ayni vaqtda loyiha faol muhokama qilinmoqda, foydalanuvchilar tomonidan 37 ta taklif kiritildi.   

Asosiy mavzular