13:09 25 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
176 0 0

Olis hududlarda byudjet tashkilotlarida boshqa hududlardan kelib faoliyat yuritayotgan mutaxassislarni ragʻbatlantirish boʻyicha mexanizm joriy qilinadi.

TOSHKENT, 24 sen — Sputnik. “Olis hududlarda joylashgan byudjet tashkilotlariga ishga boradigan oliy taʼlim muassasalari bitiruvchilarining mehnatini yanada ragʻbatlantirish toʻgʻrisida” hukumat qarori loyihasi umumiy muhokamaga qoʻyildi.

Olis hududlarda joylashgan byudjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislarga (keyingi oʻrinlarda oliy maʼlumotli mutaxassis deb ataladi) bir martalik boshlangʻich yordam puli va uy-joylarni ijaraga olganlik (ijarada turganlik) uchun har oylik pul kompensatsiyasi berish hamda ularni uy-joy bilan taʼminlash tizimini joriy qilish toʻgʻrisidagi taklifiga rozilik berish nazarda tutilmoqda.

“Olis hududlarda joylashgan byudjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislarni ragʻbatlantirish boʻyicha yangi mexanizm 2021 yil 1 yanvardan boshlab joriy qilinadi,” – deyilgan hujjatda.

Shuningdek, olis hududlarda joylashgan byudjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislarga beriladigan bir martalik boshlangʻich yordam puli (keyingi oʻrinlarda boshlangʻich yordam puli deb ataladi) bazaviy hisoblash miqdorining 50 baravariga hamda uy-joylarni ijaraga olganlik (ijarada turganlik) uchun har oylik pul kompensatsiyasi (keyingi oʻrinlarda har oylik pul kompensatsiyasi deb ataladi) bazaviy hisoblash miqdorining 2 baravariga tenglashtiriladi.

Bir martalik boshlangʻich yordam puli va har oylik pul kompensatsiyasi hamda uy-joy sharoitini yaxshilash boʻyicha imtiyozlardan oliy taʼlim muassasasining bakalavriati va magistraturasini (taʼlim shaklidan qatʼiy nazar – kunduzgi, sirtqi, kechki, shuningdek ikkinchi mutaxassislik)
tamomlaganidan keyin uch yil mobaynida olis hududlarda joylashgan byudjet tashkilotlariga ishga kirgan bitiruvchilar foydalanish huquqiga ega.

Har oylik pul kompensatsiyasi oliy maʼlumotli mutaxassis ishga qabul qilingan oydan boshlab 36 oy mobaynida toʻlanishi, bunda xizmat uy-joy maydoni berilgan taqdirda yoki u uy-joy sotib olganda, uning vakolatlari toʻxtatilganda va tugaganda pul kompensatsiyasi toʻlash toʻxtatiladi.

Asosiy mavzular