TOShKENT, 28 sen — Sputnik. Talabalar safiga qabul qilish uchun tavsiya etilganlar oliy ta’lim muassalariga qator hujjatlarni taqdim etishi kerak.
Bu O‘zbekiston ta’lim muassasalariga qabul qilish bo‘yicha Davlat komissiyasi tomonidan tasdiqlangan 2020-yil test sinovlari qaydnomasida belgilangan.
Hujjatlar ro‘yxati:
- rektor nomiga ariza;
- pasport nusxasi (asli ko‘rsatilgan holda);
- diplom yoki attestat (ilovasi bilan birga) asl nusxasi;
- til bilish darajasini tasdiqlovchi sertifikat asli; (agar bo‘lsa)
- 3,5x4,5 foto 12 ta;
- hujjatlar yig‘ma jildi (papka skorosshivatel);
- konvert A5 formatida;
- talabalar turar joyi (sharoiti og‘ir va kam ta’minlanganligini tasdiqlovchi hujjati bor talabalar uchun) ariza (kerak bo‘lsa)
- imtiyoz asosida talabalikka tavsiya etilganlar uchun (imtiyoz beruvchi hujjatning asli, agar bo‘lsa).
Eslatma: Karantin sharoitini inobatga olgan holda an’anaviy o‘qish boshlanishidan oldin OTM ushbu hujjatlarni talab qilishi mumkin emas.
Eslatib o‘tamiz, O‘zbekistonda test sinovlari 2-sentabrdan 13-sentabrgacha, hududga kirishda tana harorati 37°C dan yuqori bo‘lgan hamda test sinovi o‘tkaziladigan kunda koronavirus infeksiyasi bilan kasallangan abituriyentlar uchun qo‘shimcha test sinovlari 17-sentabr kuni o‘tkazildi.
2020-2021-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha javoblar 25-sentabr kuni Davlat test markazining rasmiy veb-saytida e’lon qilindi.
