20:34 31 Oktyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
9800

Oʻzbekiston Xitoyning Sinopharm va Zhifei Longcom farmatsevtika kompaniyalari bilan hamkorlikda koronavirusga qarshi vaktsinaning 3-bosqich sinovlarini birgalikda oʻtkazishga kelishib oldi.

TOSHKENT, 29 sen - Sputnik. Oʻzbekiston Xitoy bilan hamkorlikda vaktsinalar ishlab chiqarish va eksport qilishni rejalashtirmoqda, deb xabar qildi RIA Novosti. 

Oʻzbekistonda vaktsinalarning soʻnggi uchinchi bosqich sinovini oʻtkazish borasida Xitoyning 2ta kompaniyasi bilan hamkorlik qilish toʻgʻrisida shartnoma imzolangan. Bu haqida Sanitariya-epidemiologik osoyishtalik agentligi direktori, sogʻliqni saqlash vazirining birinchi oʻrinbosari Bahodir Yusupaliyev maʼlum qildi.  

"Xitoyning 2ta kompaniyasi vaktsinalarini Oʻzbekistonga jalb qilish va ularning sinovlarining 3 - bosqichida ishtirok etish rejalashtirilmoqda. Shundan soʻng oʻzimizda ushbu vaktsinalarni ishlab chiqarish masalasi koʻtariladi, bu esa importning qisqarishiga olib keladi, bundan tashqari biz ularni qoʻshni mamlakatlarga eksport qilishimiz mumkin boʻladi", — dedi Bahodir Yusupaliyev.

Shuningdek, ushbu vaktsinalarni birgalikda sinovdan oʻtkazish Rossiya kompaniyalariga ham taklif qilingan. 

Eslatib oʻtamiz, biroz oldin Xitoyning 2t farmatsevtika kompaniyasi Oʻzbekistonda oʻzlari ishlab chiqqan vaktsinaning klinik sinovlarining uchinchi bosqichini oʻtkazishni taklif qilgan edi. Oʻzbekiston Innovatsion rivojlantirish vazirligi Sinopharm va Zhifei Longcom bilan dastlabki shartnomalarni imzolagan edi.

Maʼlumot uchun Oʻzbekistonning dori yetishtirib beruvchieng yirik kompaniyasi boʻlgan Laxisam va Rossiya Eksport markazi orasida 2020-2021 yillarda 35 million dona "Sputnik V" vaktsinasi yetkazib berish toʻgʻrisida shartnoma imzolanganini xabar qilgan edik. 

 

Asosiy mavzular