22:29 29 Oktyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
238 0 0

Ushbu bayram ilk bor davlat rahbari ishtirokida oʻtyapti. Yana bir eʼtiborli jihati, bu yilgi tabrik ham avvalgilardan farq qilib, murojaat tarzida boʻlmoqda.

TOSHKENT, 30 sen — Sputnik. Toshkentdagi Xalqaro kongress markazida 1 oktyabr – Oʻqituvchi va murabbiylar kuniga bagʻishlangan tantanali marosimda Oʻzbekiston prezidenti Shavkat Mirziyoyev ishtirok etmoqda.

Prezident matbuot xizmati xabariga koʻra, ushbu bayram ilk bor davlat rahbari ishtirokida oʻtyapti. Yana bir eʼtiborli jihati, bu yilgi tabrik ham avvalgilardan farq qilib, murojaat tarzida boʻlmoqda.

“Biz har birimiz hayotda qanday muvaffaqiyat va natijalarga erishgan boʻlsak, bu yutuqlarda sizlarning beqiyos hissangiz borligini doimo minnatdorlik bilan eʼtirof etamiz”, – dedi Shavkat Mirziyoyev tadbirga yigʻilgan oʻqituvchi va ziyolilarga murojaatini boshlar ekan.

Oʻqituvchi va murabbiylar bayrami munosabati bilan imzolangan farmonga muvofiq, xalqning ozodligi va farovon hayotini taʼminlash yoʻlida fidokorlik koʻrsatib, milliy taʼlim va tarbiya tizimini yaratishga beqiyos hissa qoʻshgan Abdulla Avloniy, Mahmudxoʻja Behbudiy va Munavvarqori Abdurashidxonov “Buyuk xizmatlari uchun” ordeni bilan taqdirlangani maʼlum qilindi.

Shavkat Mirziyoyev Oʻzbekistonda yangi Uygʻonish davri, yaʼni uchinchi Renessans poydevorini yaratish asosiy maqsad qilib belgilanganini taʼkidladi.

“Buyuk ajdodlarimizning betakror va noyob ilmiy-maʼnaviy merosi biz uchun doimiy harakatdagi hayotiy dasturga aylanishi kerak. Bu oʻlmas meros hamisha yonimizda boʻlib, bizga doimo kuch-quvvat va ilhom bagʻishlashi lozim. Avvalambor, milliy taʼlim tizimini ana shunday ruh bilan sugʻorishimiz kerak”, - dedi prezident. -

Bayram tadbirida oʻqituvchi va murabbiylar, olimlar, parlament va hukumat vakillari ishtirok etmoqda.

Asosiy mavzular