TOShKENT, 5 okt — Sputnik. Qozog‘istonning “SCAT” aviakompaniyasi Aqtau – Urganch - Aqtau yo‘nalishi bo‘yicha parvozlarni amalga oshirishga ruxsat oldi. Bu haqda Transport vazirligi matbuot xizmati xabar qilmoqda.
“O‘zaviatsiya” agentligi “SCAT” aviakompaniyasiga 2020-yil 2-oktabrda Aqtau – Urganch - Aqtau yo‘nalishi bo‘yicha muntazam parvozlarni amalga oshirishga ruxsatnoma berdi.
Ruxsatnoma 2020-yil 1-avgustdan boshlab Urganch aeroportida joriy qilingan “Ochiq osmon” rejimi asosida berilgan.
Eslatib o‘tamiz, avvalroq O‘zbekiston va Qozog‘iston aviakompaniyalari vakillari Urganch va Aqtau o‘rtasida muntazam reyslarni yo‘lga qo‘yish masalasini muhokama qilgani xabar qilingan edi.
