22:16 20 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
222 0 0

Oʻzbekiston chegara idorasi Qirgʻiziston bilan chegarani odatdagi rejimda nazorat qilmoqda. Qoʻshimcha kuch va vositalar jalb qilinmagan

TOSHKENT, 6 okt — Sputnik. Oʻzbekiston chegara idorasi Qirgʻiziston bilan chegarani odatdagi rejimda nazorat qilmoqda. Bu haqda RIA Novostiga Oʻzbekiston DXX Chegara qoʻshinlari vakili maʼlum qildi.

“Hozirda chegaralarni qoʻriqlash rejimi odatdagidek amalga oshirilmoqda. Qoʻshimcha kuch va vositalar jalb qilinmagan. Vaziyat nazorat ostida”, - dedi chegara idorasi vakili.

5 oktyabr kuni Bishkekning markaziy Ala-Too maydonida respublika parlamentiga oʻta olmagan partiyalar tarafdorlarining norozilik namoyishlari boshlandi. Ular parlament saylovlari yakunlarini bekor qilishni va takroriy ovoz berish oʻtkazilishi talabini ilgari surdilar. Dushanba kuni kechqurun mitingni tarqatishga urinish vaqtida norozilik aktsiyasi namoyishchilari va kuch tuzilmalari oʻrtasida toʻqnashuvlar boshlandi.

6 oktyabrga oʻtar kechasi miting ishtirokchilari parlament va prezident administratsiyasi joy olgan Oq uy binosiga bostirib kirishdi. Soʻngra davlat xavfsizlik qoʻmitasi tomon yoʻl oldilar.

Ular mamlakatning sobiq prezidenti Almazbek Atambayev va uning safdoshlarini qamoqdan ozod qilishga erishdilar. Seshanba kuni ertalab miting qatnashchilari hukumat binosini qoʻlga olishgani maʼlum boʻldi.

Atambayev ishida dalillarni yashirganlikda ayblanib sud qilingan Qirgʻiziston IIV sobiq rahbari Kursan Asanov oʻzini Bishkek komendanti, deya eʼlon qildi.

Qirgʻizistonning sobiq deputati Almambet Shыkmamatov bosh prokuror lavozimini egallaganini maʼlum qilib, parlamentga oʻtkazilgan saylovlar yakunlarini bekor qildi. Qirgʻiziston prezidenti Sooronbay Jeenbekov parlament saylovlari yakunlari bekor qilinishi ehtimolini aytgan. Mamlakat sogʻliqni saqlash vazirligi maʼlumotlariga koʻra, toʻqnashuvlarda 590 kishi jabrlandi. Bir nafari halok boʻlgan.

Qirgʻiziston parlamentiga saylovlar 4 oktyabr kuni boʻlib oʻtdi. Saylovda 56,5 foiz ovoz beruvchilar ishtirok etishdi. Ovoz berishning dastlabki yakunlariga koʻra, mamlakat parlamentiga toʻrtta: "Birimdik" ("Birlik", hukumat partiyasi) 24,52% foiz, "Mekenim Kыrgыzstan" ("Ona Qirgʻiziston", hukumat partiyasi) 23,89%, "Qirgʻiziston" 8,73% va "Butun Kыrgыzstan" ("Yagona Qirgʻiziston) partiyasi 7,11% ovoz bilan oʻtgan. Qolgan partiyalar oʻta olmagan.

Qirgʻiziston prezidenti Sooronbay Jeenbekov parlament saylovlari natijalari bekor qilinishi mumkinligini maʼlum qildi.

Asosiy mavzular