23:38 26 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
24310

Koʻchaboshi va uyboshilarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oyda kompensatsiya pul toʻlovlari toʻlab berish taklif qilindi.

TOSHKENT, 7 okt — Sputnik. “Fuqarolarning oʻzini oʻzi boshqarish organlari faoliyatida faol qatnashayotgan fuqarolarni ragʻbatlantirish chora-tadbirlari toʻgʻrisida”gi hukumat qarori loyihasi tayyorlandi.

“Mahalla va oilani qoʻllab-quvvatlash vazirligi, Uy-joy kommunal xizmat koʻrsatish vazirligi hamda Qoraqalpogʻiston Respublikasi Vazirlar Kengashi, Toshkent shahar va viloyat hokimliklarining 2021 yilning 1 yanvardan fuqarolarning oʻzini oʻzi boshqarish organlari faoliyatida faol qatnashayotgan koʻchaboshi va uyboshilarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oyda kompensatsiya pul toʻlovlari toʻlab berish toʻgʻrisidagi taklifi maʼqullansin”, - deyilgan hujjatda.

Fuqarolarning oʻzini oʻzi boshqarish organlari faoliyatida faol qatnashayotgan koʻchaboshi va uyboshilarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oylik kompensatsiya pul toʻlovlari mahalliy byudjetlarning qoʻshimcha manbalari hisobidan amalga oshiriladi.

Koʻchaboshi – fuqarolar yigʻini hududidagi koʻchalarning geografik joylashuviga qarab, aholining umumiy yigʻilishida saylangan va ular nomidan fuqarolar yigʻinida faoliyat olib boradigan, ularning qonuniy manfaatlarini ifoda etadigan fuqaro;

Uyboshi – fuqarolar yigʻini hududidagi koʻp kvartirali uylarning geografik joylashuviga qarab, aholining umumiy yigʻilishida saylangan va ular nomidan fuqarolar yigʻinida faoliyat olib boradigan, ularning qonuniy manfaatlarini ifoda etadigan fuqaro.

Ayni vaqtida hujjat qizqin muhokama qilinmoqda, foydalanuvchilar 20 tadan ortiq taklif kiritishdi.

Hujjat loyihasi 21 oktyabrgacha muhokama qilinadi.

Asosiy mavzular