13:50 25 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
479 0 0

Sutka davomida 238 kishida koronavirus aniqlandi, Oʻzbekistonda koronavirus infektsiyasi qayd etilganlar soni 60 026 nafarni tashkil qilmoqda.

TOSHKENT, 8 okt — Sputnik. Sputnik Oʻzbekiston respublikadagi epidemiologik vaziyat toʻgʻrisida asosiy xabarlarni toʻpladi.

Bir sutka davomida 238 kishida koronavirus aniqlandi, Oʻzbekistonda koronavirus infektsiyasi qayd etilganlar soni 60 026  nafarni tashkil qilmoqda.

Yangi kasallanish holatlarining 107 nafari Toshkent shahrida, 14 nafari Toshkent viloyatida koronavirusga chalingan bemorlar bilan muloqotda boʻlganligi sababli namuna olingan fuqarolar orasida aniqlangan.

Sogʻayish koʻrsatkichi

Bugunning oʻzida 269 nafar bemor tuzaldi. Respublika boʻylab jami sogʻayganlar soni 56 837 nafarga yetdi. Sogʻayish koʻrsatkichi 94 foiz.

© Sputnik / Aleksandr Galperin

Ayni paytda 2 693 nafar bemorga belgilangan standartlar boʻyicha davo choralari koʻrilmoqda.

Oʻlim holatlari

Kun davomida koronavirusga chalingan 2 nafar bemor vafot etdi.

Oʻzbekistonda jami 496 kishi pandemiya qurboni boʻldi.

Yangi parvozlar

Rossiya Havo transporti federal agentligi (Rosaviatsiya) “Pobeda” aviakompaniyasiga Oʻzbekistonga parvozlar amalga oshirish uchun ruxsat berdi. Pobeda aviakompaniyasi respublikaning Samarqand, Buxoro, Nukus, Namangan, Fargʻona, Qarshi, Navoiy, Urganch shaharlariga parvozlarni amalga oshirish rejalashtirilgan.

Shuningdek, “Uzbekistan Airways” aviakompaniyasi Rossiyaning Qozon, Samara va Novosibirsk shaharlaridan Toshkentga qoʻshimcha charter qatnovlarini amalga oshiradi.

Dunyo salomatligi

Dunyo boʻylab infektsiyani yuqtirib olgan kishilarning soni 36,4 milliondan oshdi, 1 million 60 mingdan ortiq  kishi vafot etdi, 27,4 million kishi tuzaldi. Eng koʻp holatlar AQShda (7,8 mln), Hindistonda (6,8 mln), Braziliyada (5,0 mln).

 

Asosiy mavzular