22:56 20 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
140 0 0

Chorvachilik sohasi rivojlanishida oʻzining katta hissasini qoʻshgan zabardast va buyuk olim Shavkat Akmalxonov vafot etdi.

TOSHKENT, 13 okt — Sputnik. Chorvachilik sohasi rivojlanishida oʻzining katta hissasini qoʻshgan zabardast va buyuk olim, Oʻzbekistonda xizmat koʻrsatgan fan arbobi, qishloq xoʻjaligi fanlari doktori, professor, akademik Shavkat Akmalxonov 2020 yil 11 oktyabrda 87 yoshida vafot etdi. Bu haqda Innovatsion rivojlanish vazirligi matbuot xizmati xabar qilmoqda.

Akmalxonov Shavkat Asamovich 1933 yil 18 avgust kuni Toshkent shahrida ziyoliylar oilasida tavallud topgan. 1956 yili Samarqand qishloq xoʻjalik institutini olim zootexnik mutaxassisligi boʻyicha tamomlagan.

1956-1958 yillar mobaynida Toshkent viloyati Oqqoʻrgʻon tumani moddiy-texnik taʼminoti tashkilotida zootexnik lavozimida mehnat faoliyatini boshlagan. 1958-1961 yillarda Oʻzbekiston chorvachilik ilmiy-tadqiqot institutining aspirantura boʻlimiga oʻqishga kirgan.

1961-1963 yillarda shu institutda katta ilmiy xodim, 1963-1984 yillar mobaynida institut direktorining ilmiy ishlar boʻyicha muovini, 1984-1990 yillar mobaynida Oʻzbekiston Qishloq xoʻjaligi akademiyasi vitse-prezidenti boʻlib ishlagan. 1990-2006 yillarda “Plemelita” ilmiy ishlab-chiqarish birlashmasi Oʻzbekiston chorvachilik ilmiy-tadqiqot institutining Sut ishlab chiqarish va qishloq xoʻjalik hayvonlarini oziqlantirish laboratoriyasi mudiri boʻlgan. 2006-2014 yillarda loyiha rahbari boʻlib ishlagan.

2014 yildan hozirgi vaqtgacha institutda yetakchi ilmiy xodim sifatida faoliyat koʻrsatib kelayotgan edi.

Asosiy mavzular