TOShKENT, 29 okt — Sputnik. “Gallup” Xalqaro tadqiqot instituti “Global qonun va tartib” bo‘yicha yillik butunjahon reytingini e’lon qildi.
Reytingga ko‘ra, O‘zbekiston dunyoning eng xavfsiz mamlakatlari o‘ntaligiga kiritilgan. Mamlakat 100 dan 92 ball to‘plagan.
Islandiya, Quvayt, Norvegiya, Avstriya, Shveysariya va Birlashgan Arab Amirliklari ham kuchli o‘nlikka kirgan.
Birinchi o‘rinni 97 ball bilan Singapur egallagan bo‘lsa, Turkmaniston (97) ikkinchi, Xitoy esa (94) uchinchi pog‘onadan o‘rin olgan. So‘nggi o‘rinni 43 ball bilan Afg‘oniston band qilgan.
Ta’kidlanishicha, Singapur bir necha yillardan beri ushbu reytingda yetakchilik qilmoqda. Afg‘oniston esa ketma-ket ikkinchi yil oxirgi o‘rinda qayd etilmoqda.
