15:25 28 Noyabr 2020
Efir
  • RUB136.69
  • EUR12344.73
  • USD10414.86
Jamiyat
Havola olish
13810

Sovuq qurol sifatida foydalanilishi mumkin boʻlgan ashyolarni jamoat joylarida ochiq (gʻilofsiz) holda olib yurganlik uchun 111 ming 500 soʻmdan 223 ming soʻmgacha miqdorda jarima jazosi belgilandi.

TOSHKENT, 8 noya — Sputnik. Oʻzbekistonda jamoat joylarida sovuq qurolni gʻilofsiz olib yurganlik uchun jarima belgilandi. Bu prezident imzolagan ayrim qonun hujjatlariga oʻzgartirish va qoʻshimchalar kiritishga oid qonunda koʻzda tutilgan

Qonun bilan bir qator qonun hujjatlariga oʻzgartirishlar kiritildi. Jumladan, Maʼmuriy javobgarlik toʻgʻrisidagi kodeksning 14, 245, 287-moddalari toʻldirilib, kodeksga yangi 185² va 185³-moddalari qoʻshildi.

185²-moddaning birinchi qismida sovuq qurol sifatida foydalanilishi mumkin boʻlgan ashyolarni ulardan kasbiy faoliyatda, sport faoliyatida yoki xoʻjalik-maishiy maqsadlarda foydalanish bilan bogʻliq hollarda, jamoat joylarida ochiq (gʻilofsiz) holda olib yurganlik uchun 111 ming 500 soʻmdan 223 ming soʻmgacha miqdorda jarima jazosi belgilandi.

“Qurol toʻgʻrisida”gi qonunga sovuq qurol sifatida foydalanilishi mumkin boʻlgan ashyolar tushunchasi kiritildi.

Bunday ashyolarga kasbiy, ishlab chiqarish yoki sport faoliyatida yoxud xoʻjalik-maishiy maqsadlarda foydalanish uchun moʻljallangan, sanoat usulida yoki qoʻlbola tarzda yasalgan tigʻli, kesuvchi (pichoqlar, bigizlar va boshqa uchi oʻtkirlangan sanchiladigan, kesuvchi), jismoniy kuch ishlatganda shikast yetkazishi mumkin boʻlgan (beysbol bitalari, softbol oʻyini uchun bitalar) ashyolar kiradi.

Eslatib oʻtamiz, avvalroq Oʻzbekistonda sovuq qurol olib yurganlik uchun javobgarlik kuchaytirilayotgani xabar qilingan edi.

Asosiy mavzular