14:31 24 Noyabr 2020
Efir
  • RUB136.69
  • EUR12344.73
  • USD10414.86
Jamiyat
Havola olish
427 0 0

Oʻzbekistonning ayrim hududlarida hafta oʻrtasida yomgʻir yogʻishi, togʻli hududlarda esa qor yogʻishi kutilmoqda.

TOSHKENT, 9 noya — Sputnik. Oʻzbekiston hududi 10-11 noyabr kunlari sovuq havo massalari taʼsirida boʻladi. Bu haqda Oʻzgidromet xabar qilmoqda.

Havo harorati kechasi 0-5 darajagacha pasayadi, kunduzi esa 13-18 darajagacha isiydi.

12 noyabr kuni ob-havo sharoiti yana oʻzgaradi. Volga boʻyidan sovuq antitsiklon yana respublikaga kirib keladi. Oʻzbekiston hududining baʼzi joylarida yomgʻir, togʻli hududlarda qor yogʻadi, faqat Qoraqalpogʻiston Respublikasi va Xorazm viloyatida ob-havo yogʻingarchiliksiz boʻladi.

Baʼzi joylarda shamolning tezligi sekundiga 17-22 metrgacha kuchayishi kutilmoqda. Yomgʻir davomida kunduzi harorat 8-13 darajagacha pasayadi, bu oʻrtacha koʻp yillik koʻrsatkichlardan 4-5 darajaga pastdir.

13 noyabr kuni yomgʻir faqat Fargʻona vodiysi hududlarida kuzatiladi, qolgan hududlarda yogʻingarchilik kutilmaydi. Havo harorati kechasi 0-5 daraja, kunduzi 8-13 daraja iliq atrofida boʻladi, bu ham oʻrtacha koʻp yillik koʻrsatkichlar meʼyoridan past.

Asosiy mavzular