01:04 04 Dekabr 2020
Efir
  • RUB137.48
  • EUR12473.23
  • USD10427.38
Jamiyat
Havola olish
33010

- Menga Trail Blazer bering. - Yoʻq avval xizmat guvohnomangizni koʻrsating. Yaqinda amaldorlar lavozimiga qarab qanday mashina xarid qilishi mumkinligi toʻgʻrisida yangi qonun chiqadi.

TOSHKENT, 19 noya – Sputnik. Kecha Oliy Majlis Qonunchilik palatasining yalpi majlisda deputat Rasul Kusherbayev moliya vaziri Timur Ishmetovga nima sababdan ayrim hokimlar va boshqa amaldorlar atrofdagi pandemiya va iqtisodiy vaziyatni hisobga olmasdan, Chevroley Trail Balzer kabi qimmat avtomashinalar xarid qilayotgani haqida savol bergan edi.

Bunga javoban, ushbu masalada jamoatchilikni rozi qilish uchun Moliya vazirligi qisqa vaqt ichida (bir hafta) yangi qonun ishlab chiqishga tayyorligini bildirdi.

“Ushbu masalada jamoatchilik norozi boʻlayotgan ekan, biz har bir lavozimda ishlayotgan amaldor qanday turdagi xizmat avtomobili xarid qilishi mumkinligini qonun  tomonidan belgilab qoʻyishga majburmiz”, - dedi Timur Ishmetov.   

Lekin shu bilan birga, moliya vaziri oxirgi yillarda Oʻzbekistonda ushbu sohada yuz berayotgan muhim oʻzgarishlarni ham aytib oʻtdi.

Bita vazirlik tomonidan xokmliklarning barcha xarajatldarini xisob kitob kilib borishning imkoni yuk. Yoki sotib olish mumkin bulgan yoki bulmagan xar bir narsani ruyxatini tuzib chikish, anik kursatma berish yoki birorta vazirlik ruxsati bilan sotib olish - bu yana orqaga qaytish boʻladi.  

Biz borgan sari vazirliklarga va maxalliy byudjetlarga moliyaviy mustaqillikni berib boramiz. Mana bizda davlat xaridlari portali ishga tushgan. Oʻsha yerda davlat muassasalarining barcha xaridlari aniq qayd etib borilmoqda.

Shuning evaziga OAVda ushbu masalalar yoritilmoqda, mana Oliy Majlisda ham muhokamagacha yetib keldi. Demak, jamoatchilik nazorati ham kuchaymoqda. Bularning hammasi - ochiklik siyosatining mahsulidir. Vaqti kelib jamoat nazoratining oʻzi hammasini joyiga solib qoʻyadi, - dedi vazir.

Maʼlumot uchun, 16 noyabr kuni Oʻzbekiston Hisob Palatasi tomonidan Vazirlar Mahkamasi taklif qilgan davlat byudjetiga bir qator takliflar bildirilgan edi. Ana shu takliflardan birida, mahalliy hokimiyatlarning zahira fondlari miqdorini umumiy byudjet xarajatlarining 1% oʻrniga 0,5 % qilib belgilash taklif etilgan edi. Bunga sabab mahalliy hokimliklar ushbu fond mablagʻlarini asosan oʻz moddiy bazasini yaxshilashga, jumladan avtomobil xarid qilishga sarflayotgani aytib oʻtilgan edi. 

Asosiy mavzular