22:07 27 Yanvar 2021
Efir
  • RUB139.72
  • EUR12798.46
  • USD10518.99
Jamiyat
Havola olish
454 0 0

Rossiya toʻgʻridan-toʻgʻri investitsiya jamgʻarmasi 50 dan ortiq davlatdan 1,2 milliard doza “Sputnik V” vaktsinasini sotib olish uchun arizalar qabul qildi.

TOSHKENT, 3 dek — Sputnik. Rossiya toʻgʻridan-toʻgʻri investitsiya jamgʻarmasi 50 dan ortiq davlatdan 1,2 milliard doza “Sputnik V” vaktsinasini sotib olish uchun arizalar qabul qildi, dedi brifingda Tashqi ishlar vazirligi vakili Mariya Zaxarova.

Uning soʻzlariga koʻra, chorshanba kuni BMT Bosh assambleyasining 31-maxsus sessiyasi doirasida Rossiya vaktsinasining taqdimoti boʻlib oʻtdi va bu xalqaro sheriklarda katta qiziqish uygʻotdi.

"Rossiya toʻgʻridan-toʻgʻri investitsiya jamgʻarmasi va Gamaleya instituti faoliyati toʻgʻrisida yana bir necha soʻz aytmoqchiman. Ular nafaqat Rossiyada ommaviy emlash uchun “Sputnik V” vaktsinasini ishlab chiqarishni kengaytirish, balki xorijiy mamlakatlarda Rossiya preparatini ishlab chiqarishni yoʻlga qoʻyish va xorijiy bozorlarga chiqish uchun ish olib bormoqda", - dedi Zaxarova.

Rossiyaning BMTdagi doimiy vakolatxonasi va Sogʻliqni saqlash vazirligi "Sputnik V: COVID-19 ga qarshi vaktsina" virtual tadbirida Rossiya preparatini taqdim etdi. Sogʻliqni saqlash vaziri Mixail Murashkoning taʼkidlashicha, roʻyxatdan oʻtishdan keyingi sinovlar Rossiya, Belarus, Hindiston, Birlashgan Arab Amirliklari va Venesuyelada oʻtkazilmoqda, bundan tashqari Braziliya va boshqa davlatlarda test oʻtkazish masalasi muhokama qilinmoqda. Uning taʼkidlashicha, " Sputnik V" "kuchli immunitet va antitanachalar javob" ni koʻrsatdi.

Oʻz navbatida, Rossiya toʻgʻridan-toʻgʻri investitsiya jamgʻarmasi rahbari Kirill Dmitriyev “Sputnik V”ni 40 mamlakatda tasdiqlash uchun ariza topshirganini va ushbu mamlakatlardagi nazorat organlari bilan ish olib borayotganini qoʻshimcha qildi. Uning soʻzlariga koʻra, vaktsinaning narxi dozasi 10 dollardan kam boʻladi, "baʼzi mRNK vaktsinalariga qaraganda ancha arzon".

Asosiy mavzular