18:18 20 Yanvar 2021
Efir
  • RUB142.66
  • EUR12682.88
  • USD10500.81
Jamiyat
Havola olish
298 0 0

Kannabis oʻsimligini sanoat maqsadlarida yetishtirish uchun qishloq xoʻjaligida foydalanishdan chiqarilgan yerlar ajratib beriladi

TOSHKENT, 7 dek — Sputnik. “Kannabis oʻsimligini giyohvandlik vositalari va psixotrop moddalar ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish va foydalanish faoliyatini tartibga solish chora-tadbirlari toʻgʻrisida”gi Hukumat qarori qabul qilindi.

Qaror bilan quyidagilar belgilandi:

  • Qishloq xoʻjaligi vazirligi tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini (Cannabis Sativa L.) giyohvandlik vositalari va psixotrop moddalar ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish va foydalanish faoliyatini litsenziyalashni amalga oshiruvchi organ hisoblanadi;
  • kannabis oʻsimligini sanoat maqsadlarida yetishtirish uchun qishloq xoʻjaligida foydalanishdan chiqarilgan yerlar ajratib beriladi;
  • kannabis oʻsimligini sanoat maqsadlarida yetishtirish uchun ekin navining uchinchi va undan keyingi reproduktsiyadagi urugʻliklarini ekishga yoʻl qoʻyilmaydi;
  • kannabis oʻsimligi va uni qayta ishlashdan olinadigan mahsulotlar tarkibida tetragidrokannabinol giyohvandlik moddasining miqdori 0,2 foizdan oshgan hollarda, ushbu oʻsimlik, shuningdek, uni qayta ishlashdan olingan mahsulotlar belgilangan tartibda olib qoʻyiladi va yoʻq qilinadi.

Eslatib oʻtamiz, avvalroq Oʻzbekistonda texnik kannabis yetishtirish uchun toʻlanadigan boj miqdori tasdiqlangani xabar qilingan edi.

Asosiy mavzular