10:48 26 Yanvar 2021
Efir
  • RUB139.72
  • EUR12798.46
  • USD10518.99
Jamiyat
Havola olish
COVID-19 umumjahon pandemiyasi (1350)
778 0 0

Oʻzbekistonda yana 132 kishida koronavirus aniqlandi, respublika boʻylab koronavirus infektsiyasi qayd etilganlar soni 76 180 nafarni tashkil qilmoqda.

TOSHKENT, 22 dek — Sputnik. Sputnik Oʻzbekiston respublikadagi epidemiologik vaziyat toʻgʻrisida asosiy xabarlarni toʻpladi.

Yana 132 kishida koronavirus aniqlandi, Oʻzbekistonda koronavirus infektsiyasi qayd etilganlar soni 76 180 nafarni tashkil qilmoqda.

Yangi kasallanish holatlarining: 5 nafari Qashqadaryo viloyatida, 20 nafari Toshkent viloyatida, 107 nafari Toshkent shahrida koronavirusga chalingan bemorlar bilan muloqotda boʻlganligi sababli namuna olingan fuqarolar orasida aniqlangan.

Sogʻayish koʻrsatkichi

Respublika boʻylab jami sogʻayganlar soni 73 460 nafarga yetdi. Sogʻayish koʻrsatkichi 97 foiz.

Ayni paytda 2 108 nafar bemorga belgilangan standartlar boʻyicha davo choralari koʻrilmoqda.  169 nafari ogʻir, 33 nafari esa oʻta ogʻir ahvolda.

Oʻlim holatlari

Oʻzbekistonda jami 612 kishi pandemiya qurboni boʻldi.

"London, gud-bay": 8 ta davlat bilan aviaparvoz toʻxtatildi

21 dekabr sanasidan 2021 yil 10 yanvarga qadar Buyuk Britaniya, Italiya, Germaniya, Daniya, Avstriya, Avstraliya, Niderlandiya va Janubiy Afrika Respublikasi davlatlari bilan xalqaro aviareyslar (kirish, chiqish va tranzit reyslar orqali respublikaga kirish) toʻxtatiladi.

Shu bilan birga, Buyuk Britaniya, Italiya, Germaniya, Daniya, Avstriya, Avstraliya, Niderlandiya va Janubiy Afrika Respublikasi davlatlari fuqarolari, ushbu davlatlarda doimiy istiqomat qiluvchi fuqaroligi boʻlmagan shaxslar hamda soʻnggi 14 kun davomida mazkur davlatlarda boʻlgan uchinchi davlat fuqarolari yuqoridagi cheklov amal qilgan davr mobaynida Oʻzbekistonga kiritilmasligi belgilandi.

Shuningdek, soʻnggi 14 kun davomida Buyuk Britaniya, Italiya, Germaniya, Daniya, Avstriya, Avstraliya, Niderlandiya va Janubiy Afrika Respublikasi davlatlarida boʻlgan holda uchinchi davlatlar orqali Oʻzbekistonga kirib kelayotgan Oʻzbekistonning fuqarolari va fuqaroligi boʻlmagan shaxslar 14 kun davomida vaqtinchalik karantinda saqlash majmuasida yoki tegishli mehmonxonada karantinga olinishi belgilab qoʻyildi.

Dunyo salomatligi

Dunyo boʻylab infektsiyani yuqtirib olgan kishilarning soni 77,4 milliondan oshdi, 1,7 milliondan ortiq kishi vafot etdi. Eng koʻp holatlar AQShda (18,0 mln), Hindistonda (10,1 mln), Braziliyada (7,3 mln).

Mavzu:
COVID-19 umumjahon pandemiyasi (1350)
Teglar:
koronavirus pandemiyasi, koronavirus

Asosiy mavzular