TOShKENT, 23 dek - Sputnik. 2020 yilning so‘nggi 10 oyida O‘zbekistonda kam ta’minlangan oilalar tomonidan ipoteka krediti olish uchun 15 mingdan ortiq subsidiyalar ajratilgan. Bu haqida Iqtisodiy taraqqiyot va kambag‘allikni qisqartirish vazirligi xabar qilmoqda.
Ma’lum bo‘lishicha yil davomida uy joy olish maqsadida subsidiya ajratish uchun jami 40527 dona ariza kelib tushgan. Vazirlik maxsus komissiyasi tomonidan ulardan 15 285 tasi bo‘yicha ijobiy qaror qabul qilingan.
Shu kunga qadar 2403 nafar kishiga 59 millard so‘mdan ortiq subsidiyalar to‘lab berilgan.
Ma’lumot uchun, O‘zbekistonda kam ta’minlangan oilalar uy joy olishi uchun subsidiyalar to‘lab berish haqida Vazirlar Mahkamasi tomonidan 2020-yilning 25-martida "Uy-joy sotib olish uchun fuqarolarga subsidiya to‘lar tartibi to‘g‘risidagi nizomi" qabul qilingan edi.
