17:11 24 Yanvar 2021
Efir
  • RUB142.66
  • EUR12682.88
  • USD10500.81
Jamiyat
Havola olish
134 0 0

Bishkek shahri va Chuy viloyatidagi yengil konstruktsiyali shifoxonalar Oʻzbekiston tomonidan toʻliq moliyalashtirilgan va bir oyga yetmasdan qurib bitkazilgan.

TOSHKENT, 30 dek — Sputnik. Qirgʻizistonning Chuy viloyatida 24 oʻrinli va Bishkekdagi Milliy gospital hududida esa 176 oʻrinli yengil konstruktsiyali shifoxonalar ochildi. Bu haqda Qirgʻiziston Sogʻliqni saqlash vazirligi matbuot xizmati xabar berdi.  

Mazkur loyihalar Oʻzbekiston tomonidan toʻliq moliyalashtirilgan va bir oyga yetmasdan qurib bitkazilgan.

Tibbiyot muassasalarining ochilish marosimida Qirgʻiziston sogʻliqni saqlash vaziri Alimkadir Beyshenaliyev va Oʻzbekiston bosh vaziri maslahatchisi Mehriddin Xayriddinov ishtirok etdi.

“Oʻzbekiston pandemiya davrida Qirgʻizistonga yordam bergan ilk davlatlardan boʻladi. Qoʻshni davlatdan kislorod kontsentratorlari, respiratorlar va boshqa tibbiyot vositalari, 400 oʻrinli modul konstruktsiyalar yuborildi”, - dedi Qirgʻiziston SSV rahbari.

Eslatib oʻtamiz, avvalroq Oʻzbekiston koʻmagi bilan Qirgʻizistonning Qadamjay tumanida 200 oʻrinli yuqumli kasalliklar shifoxonasi qurilgan va ochilgani xabar qilingan edi.

Teglar:
shifoxona, Oʻzbekiston, Qirgʻiziston

Asosiy mavzular