10:19 19 Yanvar 2021
Efir
  • RUB142.66
  • EUR12682.88
  • USD10500.81
Jamiyat
Havola olish
83712

Yangi yil tadbirlarini 30 kishidan koʻp boʻlgan hamda koronavirusga test topshirgan holda nishonlashga ruxsat berildi.

TOSHKENT, 30 dek — Sputnik. Respublika maxsus komissiyasi Yangi yil tadbirlarini 30 kishidan koʻp boʻlgan hamda koronavirusga test topshirgan holda nishonlashga ruxsat berdi. Ushbu qarorni qabul qilishda mamlakatda koronavirus bilan bogʻliq epidemiologik vaziyatning biroz barqarorlashgani inobatga olingan.

2020 yil 31 dekabr va 2021 yil 1 yanvar kunlari toʻyxona, mehmonxona, restoran hamda kafelarda 30 kishidan koʻp boʻlgan koʻngilochar tadbirlarni koronavirusga PZR test yoki ekspress-test tekshiruvi asosida tashkil etilishiga istisno tariqasida ruxsat beriladi.

30 kishidan koʻp boʻlgan koʻngilochar tadbirlarni tashkil etuvchi toʻyxona, mehmonxona, restoran va kafelarda:

  • shartnoma asosida sanitariya-epidemiologiya xizmati xodimlarini jalb etgan holda epidemiologik tartiblarga rioya etilishi ustidan nazorat oʻrnatilishi;
  • koronavirusga PZR test natijasi boʻlmagan tashrif buyuruvchilar uchun xususiy laboratoriya yoki sanitariya-epidemiologiya xizmati bilan shartnoma asosida joyida koronavirusga ekspress-test tekshiruvini yoʻlga qoʻyilishi talab etiladi.

Maxsus komissiya fuqarolardan tibbiy niqoblardan toʻgʻri foydalanib, qoʻyilgan talablarga qatʼiy rioya etishlarini soʻragan.

Teglar:
Yangi yil, Oʻzbekiston yangiliklari, Oʻzbekiston

Asosiy mavzular