06:47 21 Yanvar 2021
Efir
  • RUB142.66
  • EUR12682.88
  • USD10500.81
Jamiyat
Havola olish
9200

Filialning asosiy yoʻnalishlaridan biri sharq tillari filologiyasi, mamlakatshunoslik va xorijiy mamlakatlar iqtisodiyoti, aniq fanlar kabi yoʻnalishlar va mutaxassisliklar boʻyicha yuqori malakali kadrlarni tayyorlashdir.

TOSHKENT, 13 yanv — Sputnik. Shavkat Mirziyoyev qarori bilan Toshkent shahrida “Sankt-Peterburg davlat universiteti” Federal davlat byudjeti oliy taʼlim muassasasi filiali tashkil etildi.

Sharq tillari filologiyasi, mamlakatshunoslik va xorijiy mamlakatlar iqtisodiyoti, biotibbiyot, aniq fanlar kabi yoʻnalishlar va mutaxassisliklar boʻyicha yuqori malakali kadrlarni tayyorlash, qayta tayyorlash va malakasini oshirish Filialning asosiy yoʻnalishlaridan biri hisoblanadi.

Filialda:

  • taʼlim jarayoni “Sankt-Peterburg davlat universiteti” Federal davlat byudjeti oliy taʼlim muassasasi (Universitet) tomonidan tasdiqlanadigan oʻquv reja va dasturlari asosida rus tilida, keyinchalik boshqa tillarda ham olib boriladi;
  • kunduzgi, keyinchalik sirtqi va boshqa taʼlim shaklida kadrlar tayyorlanadi;
  • taʼlim faoliyati 2021/2022 oʻquv yilidan boshlanadi.

Filialga qabul parametrlari Filial tomonidan tasdiqlanadi.

Talabalarni oʻqishga qabul qilish davlat granti hamda toʻlov-kontrakt asosida amalga oshiriladi.

Bunda davlat granti asosida taʼlim olgan Filial bitiruvchilari 3 yildan kam boʻlmagan muddatga majburiy ishlab berish sharti bilan Oʻzbekistonning davlat organlari va tashkilotlariga taqsimlanadi.

Toʻlov-kontrakt miqdori Filial tomonidan belgilanadi.

Filial bitiruvchilariga Oʻzbekistonda oliy maʼlumot toʻgʻrisidagi hujjat sifatida tan olinadigan Universitetning belgilangan namunadagi diplomi beriladi.

Asosiy mavzular