18:06 26 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
218450

Oʻzbekiston Qurolli Kuchlari harbiy kuchlarning global reytingida oʻz pozitsiyalarini yaxshiladi. Bu sobiq SSSR davlatlari orasida toʻrtinchi koʻrsatkich.

TOSHKENT, 15 yanv — Sputnik. Oʻzbekiston Qurolli Kuchlari harbiy kuchlarning Global firepower reytingida oʻz pozitsiyalarini yaxshilab, 51-oʻringa koʻtarildi (2020 yilda respublika 52-oʻrinda boʻlgan). 

Bu sobiq SSSR davlatlari orasida toʻrtinchi koʻrsatkich. Rossiya (2-oʻrin), Ukraina (25), Belarus (51). Markaziy Osiyodagi qoʻshnilar orasida Qozogʻiston 62-oʻrinda.

Global Firepower harbiy reytingida qayd etilgan maʼlumotlarga koʻra, Oʻzbekiston Qurolli kuchlari 420 dona tank, 1215 dona zirhli mashina, 140 dona oʻziyurar artilleriya va 98 dona koʻp zarbali reaktiv tizimlariga ega. Shuningdek, 80ta qiruvchi, 122ta vertolyot va boshqa aviatsiya (jami 227) - havo kuchlarining asosini tashkil etadi.

Oʻzbekiston prezidenti Shavkat Mirziyoyev askar va serjantlar, ofitser va generallar, Qurolli Kuchlar faxriylari, vatandoshlarni Oʻzbekiston Respublikasi Qurolli Kuchlari tashkil etilganining 29 yilligi va Vatan himoyachilari kuni munosabati bilan tabrikladi.

Oʻzbekiston yetakchisi bundan 4 yil oldin mamlakatda harbiy qurilish sohasini tubdan isloh qilish boʻyicha eng muhim va ustuvor yoʻnalishlarni belgilab olinganini, shu asosda mamlakat mudofaa qobiliyatini mustahkamlash va Qurolli Kuchlarni rivojlantirish uchun keng koʻlamli ishlar amalga oshirilayotganini aytgan.

Oʻtgan qisqa davrda yangi Mudofaa doktrinasi qabul qilindi, harbiy tuzilmalarning tarkibi va vazifalari chuqur qayta koʻrib chiqildi, qoʻshinlarni boshqarish tizimi takomillashtirildi, milliy armiyamizni zamonaviy qurol-yarogʻ va texnika vositalari bilan taʼminlash boʻyicha oʻta muhim loyihalar amalga oshirildi, deya eslatgan prezident.

Teglar:
Belarus, Qozogʻiston, Ukraina, Rossiya, Oʻzbekiston, harbiy texnika, harbiy, Mudofaa vazirligi, harbiylar

Asosiy mavzular