23:31 28 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
75 0 0

Oʻzbekistonda prezident qonuniy hujjatlari ijrosi 4 bosqichda amalaga oshiriladi: loyiha bosqichida rejalashtirish, tashkil etish va koʻmaklashish, ijroni baholash, ijroni nazorat qilishdir.

TOSHKENT, 19 yanv - Sputnik. Prezident huzurida boʻlib oʻtgan majlisda, soʻnggi yillarda qabul qilingan qonuniy hujjatlar mazmunini masʼullarga yetkazish, amaliyotda qoʻllashga koʻmaklashish va nazorat qilish masalalari koʻrib chiqildi.

Majlisda qayd etilishicha, soʻnggi 4 yilda 2 mingga yaqin farmon va qarorlar qabul qilingan, lekin hudud va tashkilotlarda ularning bajarilishi qoniqarli emas. Ayrim sohalarda islohotlar kutilgan natijalarni bermagani sababli mazkur sohalar rahbarlari ishdan olindi. Xususan, oliy taʼlim, transport, suv xoʻjaligi, davlat mulkini boshqarish sohalarida.

Undan tashqari yana bir qator vazir va vazir oʻrinbosarlari faoliyati qoniqarsiz deb topilib, ularga intizomiy jazo qoʻllanildi. Shavkat Mirziyoyev taʼkidlashiga koʻra, ijro tizimidagi kamchiliklarda ayrim rahbarlarning dunyoqarashi oʻzgarmayotgani sabab boʻlgan. 

– Ijro tizimidagi eng katta muammo – dunyoqarash oʻzgarmayotgani, bilimsizlik va masʼuliyatsizlik, – dedi prezident.

Yuqoridagi vaziyatni hisobga olgan holda, Oʻzbekistonda 4  bosqichli ijro tizimi joriy etish masalasi koʻrib chiqildi.

Bular ijroni loyiha bosqichida rejalashtirish, ijroni tashkil etish va koʻmaklashish, ijroni baholash, ijroni nazorat qilishdir.

Hujjatlarni amaliyotda qoʻllashga koʻmaklashish maqsadida adliya vaziri oʻrinbosarlari markaziy idoralarga biriktiriladi. Oʻrta va quyi boʻgʻin xodimlarini har bir sohaga oid qaror boʻyicha oʻqitish tashkil etiladi. Adliya vazirligi viloyat boshqarmalari, shahar va tuman boʻlimlari boshliqlari esa qarorlarni tadbirkor va fuqarolarga tushuntirishga masʼul boʻladi.

Majlis tafsilotlari bilan batafsil quyida tanishish mumkin. 

 

Asosiy mavzular