14:41 28 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
111 0 0

Oʻzbekistonda koronavirus pandemiyasiga toʻgʻri kelgan 2020 yilda 175,6 ming kishi vafot etdi. Bu 2019 yilga qaraganda 21 mingta (13,58 foiz) koʻproq oʻlim degani.

TOSHKENT, 19 yanv — Sputnik. Oʻzbekistonda 2020 yilda 175,6 migtta oʻlim qayd etilgan, har 1000 aholiga oʻlim koeffitsiyenti 5,1 promilleni tashkil etgan. Bundan Davlat statistika qoʻmitasining 2020 yil yakunlari boʻyicha demografik raqamlari darak bermoqda.

Bu 2017 yilgi oʻlimlar sonidan 14,7 mingtaga (9,27 foizga), 2018 yilgi oʻlimlar sonidan 20,7 mingtaga (13,36 foizga), 2019 yilgi oʻlimlar sonidan 21 mingtaga (13,58 foizga) koʻp.

Oʻzbekistonda yillik umumiy oʻlimlar soni
Oʻzbekistonda yillik umumiy oʻlimlar soni

2020 yilda qayd etilgan oʻlim holatlarining 60,0 foizi qon aylanish tizimi kasalliklaridan, 8,0 foizi oʻsimtalardan, 7,2 foizi nafas olish aʼzolari kasalliklaridan, 4,4 foizi ovqat hzm qilish aʼzolari kasalliklaridan, 4,4 foizi baxtsiz hodisa, zaharlanish va jarohatlanishlardan, 4,4 foizi yuqumli va parazitar kasalliklardan hamda 11,6 foizi boshqa kasalliklardan vafot etgan.

Viloyatlar kesimi boʻyicha eng koʻp oʻlim holatlari Toshkent shahriga (21,2 ming), Fargʻona (18,5 ming), Toshkent (18,4 ming) va Samarqand (18,4 ming) viloyatlariga toʻgʻri kelgan. Eng kam oʻlim holati esa Navoiy (5 ming) va Sirdaryo (4 ming) viloyatlarida kuzatilgan.

Oʻzbekistonda 2020 yilda qayd etilgan oʻlimlar soni hududlar kesimda
Oʻzbekistonda 2020 yilda qayd etilgan oʻlimlar soni hududlar kesimda
Teglar:
Oʻzbekiston yangiliklari, oʻlim, Oʻzbekiston

Asosiy mavzular