06:38 26 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
47220

2022 yilda shahar nafaqat Markaziy Osiyo mintaqasi, balki butun dunyo uchun eng muhim voqealardan biri - SHHT sammitiga mezbonlik qiladi. Tadbirda 20 ga yaqin davlat yetakchilari va rahbarlar ishtirok etishi kutilmoqda

TOSHKENT, 2 fev — Sputnik, Dilshoda Raxmatova. Bosh vazir oʻrinbosari Aziz Abduhakimov Sputnik Oʻzbekiston muxbiri bilan Samarqand boʻylab aylanib, shaharda qanday qurilishlar boshlab yuborilgani va shahar SHHT sammitiga tashrif buyuruvchi mehmonlarni, qolaversa, turistlarni nimasi bilan hayratlantirishga tayyorgarlik koʻrayotgani haqida soʻzladi.

2022 yilda aynan Samarqandda oʻtkaziladigan Shanxay hamkorlik tashkiloti sammitini oʻtkazish uchun barcha zarur infratuzilma joriy yil yakunigacha tayyor holatga keltiriladi, deydi Abduxakimov.

Shu munosabat bilan shaharda keng koʻlamli rekonstruktsiya ishlari boshlab yuborilgan.

Yulduzli aeroport

Rasmiylar Samarqand xalqaro aeroportini davlat va hukumat rahbarlari, shuningdek, SHHTga aʼzo mamlakatlar mehmonlarini kutib olishga tayyorlash boʻyicha tadbirlar rejasini ishlab chiqqan.

Qurilish ishlari hozirda toʻliq hajmda olib borilmoqda. Yangi aeroport zamonaviy va yuqori texnologiyali boʻladi.

Aziz Abduhakimov ishni aynan shu obʼyektni koʻzdan kechirishdan boshladi.

Loyiha dizayni "oʻtmish va hozirgi zamon sintezi"ni eslatadi. Aeroport "ochiq kitob" shaklida, bino tomida esa samolyot Samarqandga pastlayotgan vaqtda yulduzlar turkumini koʻrish mumkin boʻladi. Bu yana bir bor shahar ahli va mehmonlariga mashhur astronom Mirzo Ulugʻbekning butun insoniyat ilm-fani va dunyo tamadduni rivojiga qoʻshgan hissasini eslatib turadi.

Proyekt novogo aeroporta Samarkanda
Sputnik / Dilshoda Raxmatova
Proyekt novogo aeroporta Samarkanda

Qurilish ishlariga arxitektura boʻyicha xalqaro ekspertlar jalb qilingan: umumiy qiymati 62 million dollar turadigan aeroport loyihasi turklarning Kiklop muhandislik-qurilish kompaniyasi va mahalliy Primetime Group kompaniyasi tomonidan amalga oshirilmoqda, pudratchi Enter Engineering.

Sayohatchilar qulayligi uchun eng zamonaviy texnologiyalar joriy etilmoqda: yoʻlovchilar va yuklarni roʻyxatdan oʻtkazishning yangi turidan foydalanadilar, shuningdek, samolyotga chiqishning maksimal darajada qulay tizimi qoʻllanilishi aytilmoqda.

Roʻyxatdan oʻtkazish uchun jami 26ta tochka yaratiladi: ular xalqaro va mahalliy parvozlar uchun alohida-alohida boʻladi. Kutish zallari ham xalqaro va mahalliy parvozlar uchun turli joylarda joylashadi.

Bundan tashqari, yozgi shosseda ogʻir yukli boinglar uchun maxsus xalqaro standartga mos qoʻshimcha polosa qilingan.

Aeroportning ishchi nomi yoʻq, ammo tanlov avjida. "Amir Temur", "Mirzo Ulugʻbek", "Samarqand" nomlari taklif etilmoqda.

Obʼyektda qurilish ishlari joriy yil yakuniga qadar yakunlanib, u foydalanishga topshirilishi aytilmoqda.

Zamestitel premyer ministra Aziz Abduxakimov osmatrivayet ploщadku, gde idet stroitelstvo i rekonstruktsiya mejdunarodnogo aeroporta Samarkanda
Sputnik / Dilshoda Raxmatova
Zamestitel premyer ministra Aziz Abduxakimov osmatrivayet ploщadku, gde idet stroitelstvo i rekonstruktsiya mejdunarodnogo aeroporta Samarkanda

Yangi xalqaro turistik markaz: mehmonxonalar, vino ishlab chiqaradigan tsex va amfiteatr

SHHT mehmonlari, va albatta, turistlar uchun 2021-yilning oxirigacha yangi Samarqand xalqaro turistik markazini qurib bitkazish rejalashtirilgan. Kutilayotgan sammit tadbirlarining asosiy qismi Enter Engineering tomonidan barpo etilayotgan mana shu noyob obʼyektda oʻtkaziladi.

Kelajakda bu joyni Samarqandga butun dunyodan tashrif buyuradigan turistlar sevimli maskaniga aylantirish koʻzda tutilgan.

Grebnoy kanal
Sputnik / Dilshoda Raxmatova
Grebnoy kanal

Asosiy qurilish joyi 135 gektar maydonda kechmoqda.

Mashhur Eshkak eshish (Grebnoy) kanalining ikki qirgʻogʻida: "Boqiy shahar" etnoshaharchasi, sharob ishlab chiqarish tsexi, mehmonxonalar va bahaybat (umumiy maydoni 2 800 kv.metr boʻlgan) uch qavatli Kongress-xoll joylashadi. SHHT mamlakatlari rahbarlarining sammiti va majlislar shu yerda oʻtkaziladi. Birinchi shaxslar ishtirok etadigan majlislar boʻlib oʻtadigan zal  maydoni 65x65 metr, balandligi 14 metr.

Aytgancha, Samarqand shahrining oʻzida 160ga yaqin otellar bor, shuningdek, mehmon uylari va xostellar qurilgan.

Ammo pandemiyagacha boʻlgan davrda turistlar oqimi katta boʻlib, ularni joylashtirish uchun mavjud mehmonxonalardagi 7 mingga yaqin joylar ham koʻpincha yetmay qolgan.

Stroitelstvo novogo turisticheskogo tsentra, gde raspolojen Grebnoy kanal.
Sputnik / Dilshoda Raxmatova
Stroitelstvo novogo turisticheskogo tsentra, gde raspolojen Grebnoy kanal.

Aynan shu bois, yangi loyihada mahalliy hukumat mehmonxona, otellarga koʻproq eʼtibor qaratgan.

Aziz Abduhakimovning aytishicha, Samarqand xalqaro turistik markazida 8ta yangi toʻrt va besh yulduzli, 1,2 ming oʻringa moʻljallangan mehmonxonalar bunyod etiladi (ular 7, 11 va 22 qavatli boʻladi).

Sammit ishtirokchilari va mehmonlari aynan shu mehmonxonalarda joylashtiriladi.

"Oʻzbekistonda "Marokanda Park Xotel" markasi ostida oʻzining mehmonxonalar tarmogʻi shakllantirilmoqda. Otellar tarmogʻi dastlab Samarqandda ishga tushadi, umid qilamanki, kelajakda u butun respublika boʻylab keng tarqaladi", - dedi Abduxakimov.

Davlat rahbari Shavkat Mirziyoyev yirik mehmonxonalar qurilishi ishlarini shahar tashqarisiga chiqarish haqida topshiriq bergani maʼlum.

"Birinchidan, bu bizning moddiy-madaniy merosimiz butligini taʼminlash boʻyicha YUNESKO talablarining bajarilishi boʻlsa, ikkinchidan, bu yerda qad rostlayotgan barcha inshootlar barcha xalqaro talablarga toʻliq mos keladi", - deya tushuntiradi Abduhakimov.

Stroitelstvo novogo turisticheskogo tsentra, gde raspolojen Grebnoy kanal.
Sputnik / Dilshoda Raxmatova
Stroitelstvo novogo turisticheskogo tsentra, gde raspolojen Grebnoy kanal.

"Boqiy shahar" - etnoshaharchasining qarshisida, Eshkak eshish kanaliga yaqin joyda bir vaqtning oʻzida ham xalqaro turistik markazga ham eski shahar qismiga qaraydigan amfiteatr barpo etiladi.

Shuningdek, "Sharq taronalari" Xalqaro musiqa festivali ham ushbu turistik markazda oʻtkazish belgilangan. Odatda u ikki yilda bir marta Registon maydonida oʻtkazilar edi.

Samarqand respublika Eshkak eshish kanali

Bu mahalliy diqqatga sazovor joylardan biridir. U sovet ittifoqi davrida suv sportining eshkak eshish turi boʻyicha turli turnirlar va musobaqalarni oʻtkazish uchun barpo etilgan. Eshkak eshuvchi sportchilar aynan shu yerda mashq qilishadi.

Kanal uzunligi 2 180 metr, eni esa — 150 metrdan ortiq. U ttoʻlaligicha xalqaro standartlarga javob beradi. 

© Sputnik / Dilshoda Raxmatova

Markaziy Osiyo mintaqasida bu shunday yagona sport inshooti, ​​butun dunyoda esa bunaqasi bir nechta, xolos.

Aziz Abduhakimovning soʻzlariga koʻra, Eshkak eshish kanali atrofida bugungi kunda turistik markazi qad rostlayotganiga qaramasdan, u sport obʼyekti sifatida oʻz faoliyatini zinhor toʻxtatmaydi.

Bundan tashqari, kanal funktsional ahamiyatini qoʻllab-quvvatlash maqsadida, hukumat davlat mablagʻlari hisobiga uning atrofida yangi sport inshootlarini barpo etadi.

Bu yerda xalqaro darajadagi turli musobaqalar boʻlib oʻtadi. Xususan, 2025 yilda Oʻzbekiston Yoshlar Osiyo olimpiadasiga mezbonlik qilishi qarori qabul qilingan, suv sportining eshkak eshish turi boʻyicha turnirlar aynan Samarqandda oʻtkazilishi kutilmoqda.

Shuningdek, bu yerda ochiq va yopiq turdagi basseynlar qurilishi koʻzda tutilgan.

SHHTning Samarqanddagi sammiti Oʻzbekistonda oʻtkazilgan toʻrtinchi sammit boʻladi. Ilgari xalqaro miqyosdagi bunday muhim tadbir 2004, 2010 va 2016 yillarda Toshkentda oʻtkazilgan.

Asosiy mavzular