09:47 25 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
70 0 0

Prezident huzuridagi uchrashuvda har bir partiya oʻz dasturiy maqsadlarini Parlamentga faol olib chiqishi, qonunchilik tashabbuslarini ilgari surishi muhimligi qayd etildi.

TOSHKENT, 3 fev - Sputnik. Prezident Shavkat Mirziyoyev 2 fevral kuni Oʻzbekiston siyosiy partiyalari rahbarlari bilan uchrashdi.

Muloqot chogʻida islohotlarni amalga oshirishda, jamiyat huquq va manfaatlarini himoya qilishda partiyalar oʻrni va rolini oshirish masalalari muhokama qilindi. 

Har bir partiya oʻz elektorati bilan ishlashi, dasturiy maqsadlarini Parlamentga faol olib chiqishi, oʻz fraktsiyalari orqali qonunchilik tashabbuslarini ilgari surishi va qonunlar ijrosini taʼminlashni nazoratiga olishi muhimligi haqida fikr almashildi.

Partiyalar roli, ayniqsa, taʼlim va sogʻliqni saqlash tizimini rivojlantirishda, joylardagi muammolarni oʻrganish va ularning yechimini topishda hamda Parlament va jamoatchilik nazoratini olib borishda muhimligi qayd etildi.

Partiyalar oʻz elektorati, yoshlar, xotin-qizlar va nuroniylar bilan ishlash, ularning hayotiy muhim manfaatlarini taʼminlashga koʻmaklashishi zarurligi haqida yakdil fikr bildirildi.

Prezident huzuridagi uchrashuvda Tadbirkorlar va ishbilarmonlar harakati –Oʻzbekiston liberal-demokratik partiyasi, “Milliy tiklanish” demokratik partiyasi, Xalq demokratik partiyasi, “Adolat” sotsial-demokratik partiyasi hamda Ekologik partiya, Oliy Majlis Senati va Qonunchilik palatasi rahbarlari ishtirok etdi.

Mirziyoyev vstretilsya s liderami politicheskix partiy
Mirziyoyev vstretilsya s liderami politicheskix partiy

Asosiy mavzular