11:32 26 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
72 0 0

Tajriba joriy etiladigan mahallalar aholisiga rangli paketlar beriladi: sariq – qayta ishlanadigan chiqindilar (qogʻoz va plastik), yashil – organik chiqindilar (oziq-ovqat qoldiqlari, barglar, oʻtlar), kulrang paketlar esa qayta ishlanmaydigan chiqindilar uchun moʻljallangan.

TOSHKENT, 24 fev - Sputnik. Toshkentning 24 mahallasida chiqindilarni saralagan holda toʻplash tajribasi joriy etiladi, deb xabar bermoqda Toshkent shahar hokimligi matbuot-xizmati.

Eslatib oʻtamiz, Toshkentda toʻplanadigan chiqindilar yildan yilga oshib bormoqda va prognozlarga koʻra, 15 yildan keyin uning hajmi ikki barobar oshadi. Ushbu vaziyatdagi yagona yechim – chiqindilarni qayta ishlash boʻlib, buning uchun uni saralash lozim. 2019 yilda Yakkasaroy tumanidagi mahallalardan birida chiqindilarni saralab, toʻplash boʻyicha birinchi loyiha amalga oshirildi. 

Prezidentning "Toshkent shahrida maishiy va qurilish chiqindilari bilan bogʻliq ishlarni amalga oshirishni takomillashtirish chora-tadbirlari toʻgʻrisida"gi qaroriga muvofiq, qattiq maishiy chiqindilarni (QMCH)toʻplash, saralash va olib chiqib ketish xizmatlarini tashkil etish sohasida xususiy sektor ulushini 100 foizga yetkazish koʻzda tutilgan. 

Joriy yilda QMChni saralagan holda toʻplash har bir tumandagi ikkita mahallada – jami 24 ta mahallada joriy etiladi. Ushbu mahallalar aholisiga rangli paketlar beriladi. Sariq paketlar – qayta ishlanadigan chiqindilar (qogʻoz va plastik), yashil paketlar – organik chiqindilar (oziq-ovqat qoldiqlari, barglar, oʻtlar), kulrang paketlar esa qayta ishlanmaydigan chiqindilar (oyoq kiyimlari, salfetkalar, pamperslar) uchun moʻljallangan.

Chiqindilarni olib ketish uchun haftasiga ikki marotaba rangli yashil va kulrang-sariq stikerlarli mashinalar keladi (yozda koʻproq keladi). Ushbu maqsadda "Maxsustrans" OTTB grant mablagʻlari hisobidan 59 ta yangi maxsus mashinalarini xarid qildi va ularga hozirgi kunda stikerlar yopishtirilmoqda. Saralagan holda chiqindilarni yigʻishni ragʻbatlantirish uchun oilalarga QMChni olib chiqish uchun toʻlov tarifi pasaytiriladi.

Tajriba uchun tanlangan mahallalar aholisiga QMChni saralash zaruriyati haqidagi axborotni yetkazish tadbirlari koʻrib chiqilmoqda. Maktablar va mahalla qoʻmitalarida muvofiq mavzudagi maʼruzalar, qiziqarli darslar, kontsertlar va kichik hasharlar tashkil etilishi kutilmoqda.

Asosiy mavzular