Toshqulov: Yunusobodda jasadi topilgan besh talabaning yaqinlariga moddiy yordam ko‘rsatilgan

© Press-slujba Ministerstva visshego i srednego spetsialnogo obrazovaniya UzbekistanaMinistr visshego i srednego spetsialnogo obrazovaniya Uzbekistana Abdukodir Toshkulov
Ministr visshego i srednego spetsialnogo obrazovaniya Uzbekistana Abdukodir Toshkulov - Sputnik O‘zbekiston, 1920, 03.03.2021
Obuna bo‘lish
Oliy va o‘rta maxsus ta’lim vaziri Abduqodir Toshqulov Yunusobod tumanida o‘lik holda topilgan 5 nafar talabaning yaqinlariga moddiy, ma’naviy yordam ko‘rsatilganini ta’kidladi.
TOShKENT, 3 mar — Sputnik. Oliy va o‘rta maxsus ta’lim vaziri Abduqodir Toshqulov Toshkent shahrining Yunusobod tumanida o‘lik holda topilgan 5 nafar talabaning yaqinlariga moddiy, ma’naviy yordam ko‘rsatilganini ma’lum qildi.
“Tergov-surishtiruv jarayonlari hali yakuniga yetmadi, sabablari to‘liq aniqlanmadi. Lekin barcha rektorlar janoza tadbirlarida qatnashib, marhumlarning ota-onalariga moddiy, ma’naviy yordam, qolaversa, psixologik xizmat ko‘rsatib, butun jamoasi bilan birga bo‘ldi. Bu noxush holatga rektorlar befarq emas, qat’iy nazoratga olingan”, — dedi vazir Oliy Majlis Qonunchilik palatasida o‘tkazilgan “Hukumat soati”da. Uning so‘zlaridan “Daryo” nashri iqtibos keltirgan.
Avvalroq Toshkentning Yunusobod tumanida besh nafar talaba o‘lik holda topilgani haqida xabar berilgan edi. Sud tibbiyot ekspertizasining dastlabki xulosasiga ko‘ra, jabrlanuvchilarning o‘limi noma’lum moddadan o‘tkir zaharlanish natijasida yuz bergan. Hozir jinoiy ish ochilgan va u Bosh prokuratura tomonidan nazoratga olingan.
Ushbu fojiadan so‘ng O‘zbekistonda maxsus ishchi guruhlar tuzilishi va ular talabalar yashash sharoiti hamda harakatlanishini o‘rganishi ma’lum bo‘lgan edi.
Yangiliklar lentasi
0