15:59 14 Avgust 2018
Efir
  • RUB115.07
  • EUR8888.62
  • USD7790.20
Zavershilas rekonstruktsiya BSA Lujniki

Oʻzbekistonda futboldan butunlay chetlashtirilgan besh futbolchiga qaytadan imkon beriladi

© Sputnik / Kirill Kallinikov
Sport
Havola olish
363 0 0

Tez orada OʻFA Ijroqoʻmi bu masalani atroflicha oʻrganib chiqadi hamda uzoq vaqt davomida boshqa ism-sharif bilan “nom qozongan” yigitlarga, oʻzlarining haqiqiy ism-shariflari bilan faoliyatlarini davom ettirish imkoniyatini yaratadi.

TOSHKENT, 13 iyun – Sputnik. OʻFA birinchi vitse-prezidenti Umid Ahmadjonov yoshini kichraytirish boʻyicha aybdor deb topilganlar masalasini qaytadan koʻrib chiqishni taklif qildi. Bu haqda Assotsiatsiya matbuot xizmati xabar berdi.

Eslatib oʻtamiz, shu yilning 5 yanvar kuni Oʻzbekiston futbol assotsiatsiyasi Ijroqoʻmi byurosining qaroriga asosan yoshini kichaytirish boʻyicha aybdorligi aniqlangan Nodirbek Teshaboyev, Muhammadjon Abdullayev, Nuriddin Hasanov, Dilshod Ahmadaliyev, Burxon Hasanov kabi futbolchilar futbol bilan bogʻliq har qanday faoliyatdan chetlashtirilgandi.

Assotsiatsiyaning maʼlum qilishicha, oʻtgan davr mobaynida ulardan aksari oʻz aybini tushunib yetdi, hujjatlar bilan bogʻliq masalalarni toʻgʻriladi. Shuningdek, tashkilotga bir necha bor xat bilan chiqib, qilgan ishidan pushaymon ekanini bildirdi.

“Hayotda hamma xato qiladi, buni tushunish mumkin. Biroq bitta xatoni ikki bor qaytalashni tushunib boʻlmaydi. Futboldan chetlashtirilgan yigitlar hali ancha yosh. Ular xato yoʻlga kirganini tushunib yetdi. Mamlakatimiz prezidenti bilmay ayb ish qilayotgan minglab insonlarni afv etayotgan bir vaqtlarida, biz ham tushunib-tushunmay notoʻgʻri ishga qoʻl urgan futbolchilarga yana bir bor imkon berishimiz kerak. Endi ular gʻirromlik nima ekanini yaxshi tushunadi. Buyogʻiga ulardan oʻzini sportga bahshida etib, yuqori choʻqqilar sari intilish talab etiladi”, — degan Umid Ahmadjonov.

Tez orada OʻFA Ijroqoʻmi bu masalani atroflicha oʻrganib chiqadi hamda uzoq vaqt davomida boshqa ism-sharif bilan “nom qozongan” yigitlarga, oʻzlarining haqiqiy ism-shariflari bilan faoliyatlarini davom ettirish imkoniyatini yaratadi.

2019 yildan boshlab bolalar futbol klublari tarbiyalanuvchilarini yaxlit elektron bazaga bosqichma-bosqich kiritib borish boshlanadi. Yaʼni maktab yoshidagi futbolchi haqida barcha maʼlumotlar, shu futbolchi to millionlar oʻyini bilan xayrlashmaguniga qadar yangilanib turadi. Bu esa 14—15 yoshli yangi futbolchining birdan “paydo boʻlib qolishi” holatlarini kamaytiradi.  

Yaxlit elektron bazadan istalgan odam Superliga, Pro-Liga, 2-liga, bolalar ligalari futbolchilarini topishi mumkin boʻladi. Shu holatdan keyin ham futbolchilar yoshini kichiklashtirishga harakat davom etsa, buning ortida turgan kishilarga shafqat qilinmaydi.

Bu borada OʻFA Ijroqoʻmining qarori tez orada eʼlon qilinadi.

Asosiy mavzular