23:13 18 Fevral 2019
Efir
  • RUB127.67
  • EUR9510.03
  • USD8395.15
Futbolnыy match mejdu sbornыmi Uzbekistana i Avstralii

Oʻzbek futboli yulduzi Osiyo kubogidan soʻng 10 ming dollar jarimaga tortildi

© Assotsiatsiya futbola Uzbekistana.
Sport
Havola olish
146910

Osiyo kubogining pley-off bahsida Oʻzbekiston jamoasi penaltilar seriyasida 2:4 hisobi bilan imkoniyatni Avstraliyaga boy berib qoʻygan edi.

TOSHKENT, 1 fev — Sputnik. Osiyo futbol konfederatsiyasi tartib-intizom va etika qoʻmitasi (AFC) Oʻzbekiston terma jamoasi sardori Odil Ahmedovni Osiyo kubogining nimchorak final bosqichi doirasida boʻlib oʻtgan Avstraliya-Oʻzbekiston oʻyinidan keyin flesh-interyuga kelmaganligi uchun 10 ming dollar miqdoridagi jarimaga tortdi, deb xabar qildi AFC rasmiy sayti.

Osiyo kubogining pley-off bahsida Oʻzbekiston jamoasi penaltilar seriyasida 2:4 hisobi bilan imkoniyatni boy berib qoʻygan edi. Odil Ahmedov maydonda 120 daqiqa sardorlik bogʻichini taqib, toʻp surgan edi. Oʻyin yakunidan soʻng futbolchi turnir qonun-qoidalariga koʻra boʻlib oʻtishi shart boʻlgan flesh-intervyuga kelmagan.

OFK qoʻmitasining qaroriga koʻra, Ahmedov 10 ming dollar miqdorda jarima toʻlashi shart. Ushbu summa 30 kun ichida OFK hisob-raqamiga oʻtkazilishi lozim. 

Taʼkidlanishicha, Odil Ahmedov yana bir marta shunday qoidabuzarlikka yoʻl qoʻysa, bundan ham jiddiyroq jazoga tortilishi mumkin.

Osiyo kubogi 5 yanvardan 1 fevralgacha BAAda boʻlib oʻtmoqda. Finalda Yaponiya va Qatar jamoalari oʻzaro kuch sinashadi. 1 fevral kuni boʻlib oʻtadigan finalga oʻzbekistonlik Ravshan Ermatov bosh hakam sifatida tayinlangan

Asosiy mavzular