TOShKENT, 4 sen - Sputnik. O‘zbekistonlik Eldor Shomurodov avgust oyida Rossiya Premyer ligasining eng yaxshi o‘yinchisi deb topildi. Bu haqida RPL matbuot xizmati xabar qilmoqda.
Xabarda aytilishiga ko‘ra, ekspertlar, telejurnalistlar va futbol muxlislari ushbu qarorni yakdillik bilan qabul qilishgan.
🌟 Eldor Shomurodov – luchshiy igrok #RPL v avguste!
— Rossiyskaya Premyer-Liga (@rfpl) 3 sentabrya 2019 g.
🙌 Eksperti RPL, eksperti @matchpremier i bolelshiki yedinoglasno vibrali napadayushego @rostovfc!
5⃣ V pati matchax v avguste Shomurodov zabil pat golov!#IgrokMesatsaRPL #Shomurodov pic.twitter.com/HqKKQseaHc
“Rostov” hujumchisi avgust oyining eng natijali futbolchisi deb atashmoqda: Shomurodov beshta turda beshta gol urgan va chempionat doirasida esa 7ta gol bilan hujumchilar orasida yetakchilik qilmoqda.
Shuningdek o‘tgan oyning eng yaxshi murabbiyi deb, “Rostov” jamoasi treneri Valeriy Karpin tan olingan. Jamoa beshta o‘yindan 3tasini g‘alaba bilan yakunlagan, ayni damda turnir tablitsasida birinchi qatorni "Zenit" va "Krasnodar" jamoalari bilan bo‘lishmoqda.
24- yoshli O‘zbekiston terma jamoasi hujumchisi 2019-yilning may oyida “Rostov” jamoasi bilan qiymati 1 million dollar bo‘lgan 3-yillik transfer shartnomasi imzolagan edi.
Ayni damda Shomurodov O‘zbekiston jamoasi bilan 2022-yilda bo‘lib o‘tadigan Jahon chempionatiga tayyorgarlik ko‘rmoqda. Uning eng katta orzusi – O‘zbekiston termsi bilan jahon chempionatida ishtirok etish.
