20:23 19 Oktyabr 2019
Efir
  • RUB147.25
  • EUR10438.58
  • USD9455.24
Glavnыy trener sbornoy Uzbekistana po futbolu Ektor Kuper

Ektor Kuper saralash oʻyinlaridagi maqsadini aytdi

© Sputnik / Ramiz Baxtiyarov
Sport
Havola olish
297 0 0

Falastin-Oʻzbekiston uchrashuvi oldidan matbuot anjumani tashkil etildi.

TOSHKENT, 4 sen – Sputnik. Falastin-Oʻzbekiston uchrashuvi oldigagi matbuot anjumanida Oʻzbekiston milliy terma jamoasi bosh murabbiyi Ektor Kuper koʻzlagan maqsadini aytdi.

Ektor Kuperning soʻzlariga koʻra, birinchi oʻyin hamisha juda muhim ahamiyat kasb etadi. Saralash oʻyinlarini 3 ochko bilan boshlash juda muhim. Oʻtkazilgan yigʻin davomida mazkur oʻyinga jiddiy hozirlik koʻrilgan.

“Maqsadimiz – guruhda birinchi boʻlish. Buning uchun birinchi galda oʻz oʻyinimizni yaxshilashimiz, oʻz oʻyinimizni namoyish eta olishimiz lozim. Shunda raqib zarur boʻlsa, bizning oʻyinimizga qarab harakat qilishga majbur boʻladi”, - deya iqtibos keltiradi bosh murabbiy soʻzlaridan OʻFA.

U jahon chempionatiga yoʻl olish uchun birinchi navbatda butun jamoa birlasha olishi hamda oʻz kuchiga ishona olishini talab etishini taʼkidlagan.

Match Palestina – Uzbekistan rassudit brigada sudey iz Kitaya
© Assotsiatsiya futbola Uzbekistana. HASAN PIRMUHAMEDOV

“Toʻgʻri, Oʻzbekiston hali mundialga yoʻl ola bilmagan. Lekin imkonsiz narsaning oʻzi yoʻq. Bu gal biz maqsadga erishishimiz imkoni bor. Faqat tarkibdagi hamma oʻz kuchimizga ishona bilishi lozim.  Jahon chempionatiga chiqishning oʻziga xos siri yoki berkitadigan jihati yoʻq. Buning uchun jamoa oʻz ustida ishlashni toʻxtatmasligi hamda bitta maqsad sari intilishi zarur”, - deya xulosa qilgan Ektor Kuper.

Eslatib oʻtamiz, Oʻzbekiston ilk oʻyinini ertaga Falastinga qarshi oʻtkazadi. Mazkur uchrashuv Falastindagi “Faisal Al-Husseini” stadionida boʻlib oʻtadi. Oʻyin Toshkent vaqti bilan soat 19:00da boshlanadi.

Asosiy mavzular