04:19 30 Noyabr 2020
Efir
  • RUB136.69
  • EUR12344.73
  • USD10414.86
Sport
Havola olish
95920

Biroz avval "Paxtakor" stadion qurilishi bilan bogʻliq sarf-xarajatlar toʻliq homiylar hisobidan qoplanishi maʼlum qilingan edi

TOSHKENT, 14 dek - Sputnik. Jismoniy tarbiya va sport vazirligi matbuot xizmati Toshkent shahrida joylashgan "Paxtakor" markaziy stadionining buzilishiga nisbatan ijtimoiy tarmoq foydalanuvchilari tomonidan boʻlayotgan eʼtirozlarga javob berdi.

"Bu borada shuni maʼlum qilamizki, "Paxtakor" klubi rasmiy saytida stadionning aniq buzilish sanasi maʼlum emasligi haqida bayonot berilgan. Unga koʻra, ayni paytda stadionning yangi koʻrinishi qanday boʻlishi aniqlanmoqda, taqdim qilingan loyihalar orasidan birini tanlab olish jarayoni ketmoqda", - deyilgan xabarda.

Maʼlum boʻlishicha, "Paxtakor" klubi rasmiy saytida eʼlon qilingan tenderdan soʻng 20 ga yaqin kompaniyalar oʻz takliflarini bildirishgan. Stadion FIFAning eng soʻnggi talablariga javob beradigan holatda bunyod etilishi sababli yakuniy qarorga kelishdan avval barchasini puxta oʻylab koʻrish talab etiladi, deya tushuntiradi vazirlik.

"Maʼqul deb topilgan loyiha tanlangach, stadion poytaxtimiz markazida joylashishi va uning koʻrkiga aylanishi maqsadida hukumatning tegishli idoralari bilan birgalikda qurilish ishlari qachon boshlanishi borasida toʻxtamga kelinadi. Ayni holatda esa stadionni buzish ishlari qachon boshlanishi aniq emas. Loyiha masalasi aniq boʻlishi bilan bu haqida maʼlumot rasmiy saytimizda taqdim etiladi", deyiladi klub bayonotida.

Biroz avval "Paxtakor" futbol klubi matbuot xizmati bergan bayonotga koʻra, stadion qurilishi bilan bogʻliq sarf-xarajatlar toʻliq homiylar hisobidan qoplanishi maʼlum qilingan edi.

Asosiy mavzular