16:54 14 Avgust 2020
Efir
  • RUB138.65
  • EUR12059.09
  • USD10231.71
Sport
Havola olish
108020

Mahmud Murodov - qatʼiylik, kuchli iroda va maqsadlar sari erishishning eng yorqin namunasi hisoblanadi. Sportdagi yoʻlini mustaqil boshlagan Maxmud xorijda trenerlar qidirgan va bugungi mashhurlikka qadar koʻplab qiyinchiliklarni yengib oʻtgan.

12 yanvar kuni Oʻzbekiston poytaxti Toshkent shahrida UFCdagi Oʻzbekistondan birinchi kurashchi boʻlgan Mahmud Murodovning jurnalistlar va muxlislar bilan uchrashuvi boʻlib oʻtdi.

FAKT №1

Mahmud Murodov - qatʼiylik, kuchli iroda va maqsadlar sari erishishning eng yorqin namunasi hisoblanadi. Sportdagi yoʻlini mustaqil boshlagan Mahmud xorijda trenerlar qidirgan va bugungi mashhurlikka qadar koʻplab qiyinchiliklarni yengib oʻtgan. 

Maxmud Muradov
Assotsiatsiya smeshannыx yedinoborstv Uzbekistana
Maxmud Muradov

FAKT №2

30 yashar jangchi oʻz karyerasini 2012 yilda boshlagan, oʻsha vaqtda hali unchalik tanilmagan K1EL promousheni homiyligida debyut qilgan. Oʻtgan sakkiz yil davomida Murodov 22ta jang oʻtkazgan, shundan atigi 6 tasi magʻlubiyat bilan yakunlangan. Bir muddat ilgari, besh xil vazn toifasida sobiq jahon chempioni, amerikalik 42 yoshli kichik-Floyd Meyvezer Instagramda post eʼlon qilib, Mahmud Murodovni MMA tarixidagi eng yaxshi jangchi, deb atagach, oʻzbek sportchisiga boʻlgan qiziqish yanada ortdi.

FAKT №3. 

MMA jangchisi Haj safariga borishni orzu qiladi. "Bu joylarni ziyorat qilish kerak, lekin har bir ishning oʻz mavridi boʻladi", deydi u. Murodovning soʻzlariga koʻra, ogʻir kunlarida koʻz yosh toʻkkan. Lekin ich-ichida yigʻlagan. Nimadan qoʻrqadi? "Ota-onamni yoʻqotib qoʻyishdan. Allohdan. Faqatgina magʻlubiyatdan va jarohatlardan qoʻrqmayman. Chunki qancha shugʻullanishim va nimalarga qodirligimni bilaman", - deydi u.

Murodovning tan olishicha, u hech bir janggidan qoniqqan emas.

FAKT №4

Mahmud Murodov UFCning eng yaxshi jangchisi deb Habib Nurmagomedovni tan oladi. "Hozir Habib darajasidagi jangchi yoʻq. Uning kuchi tezligida. U hozir jahonda tengsiz. Bu mening shaxsiy fikrim", deydi u. 

FAKT №5

Murodov Oʻzbekiston prezidenti Shavkat Mirziyoyevdan minnatdor. "Endi bizni qoʻllab-quvvatlaydigan Assotsiatsiya bor. Biz albatta, muxlislarni, assotsiatsiyamizni xursand qilamiz. Bu biz uchun katta masʼuliyat yuklaydi. Katta maydonlarda shuhrat qozonishga intilamiz. Hozirda qoʻshnilarda oʻzyapmiz: Qozogʻiston, Turkmaniston, Tojikistonda UFC jangchi yoʻq, bizda bor. Trenerlar ham, yaxshi jamoamiz bor", deydi u. Murodovning aytishicha, kelajakda u Oʻzbekistonda MMAni rivojlantirishga hissa qoʻshmoqchi, oʻz maktabini tashkil etmoqchi.

FAKT №6

Ota-onasi Mahmudning jangchi boʻlish qarori albatta, hayratlantirmay qolmagan, ammo ular uchun farzandining sevimli ishi bilan shugʻullanishi hammasidan ustun boʻlgani uchun, koʻnishga rozi boʻlganlar.

Oktagondagi har bir jangidan soʻng Mahmudga onasi qoʻngʻiroq qiladi va "agar mana bunday zarba berganingda, muxlislaring oʻrinlaridan turib ketishardi", deya maslahat beradi.

FAKT №7

Murodovning MMA eng kuchli ligasidagi birinchi janggi italiyalik Alessio Di Kiriko bilan boʻlib, unda hakamlarning bir ovozdagi qarori bilan oʻzbek jangchisi gʻalaba qozongan edi. UFCdagi ikkinchi jangda Maxmud Murodov oʻng tomondan zarba bilan amerikalik Trevor Smit ogʻzidan kapani chiqarib yuborgan. Raqibini chiroyli tarzda nokaut qilib, oʻzbekistonlik sportchi kechaning eng yaxshi chiqishi uchun taqdirlangan. Tepaga qarab zarba berish qobiliyati uchun Mahmud Murodovga "uchar oʻzbek" deb nom qoʻyishgan.

Asosiy mavzular