23:49 26 Oktyabr 2020
Efir
  • RUB133.19
  • EUR12153.63
  • USD10371.76
Sport
Havola olish
44620

“Ufa” jamoasining yarim himoyachisi Oston Urunovga “Zenit”, “Lokomotiv” va “Spartak” jamoalari qiziqish bildirmoqda.

TOSHKENT, 16 iyul — Sputnik. Oʻzbekistonlik istiqbolli futbolchi Oston Urunovga Rossiyaning yetakchi futbol klublari qiziqish bildirmoqda, deb yozadi Sport24.

19 yoshli futbolchi “Ufa” jamoasida ushbu yilning fevral oyidan boshlab toʻp surmoqda. Oʻtgan davr mobaynida Urunov oʻzining juda samarali futbolchi sifatida namoyish etdi.

Rossiyalik futbol ekspertlari fikriga koʻra, Urunov ham himoyada, ham hujumda, maydonning istalgan qismida juda faol harakat qilishga qodir. Undan tashqari Ostonning barcha harakatlari jamoa foydasiga qaratilgan. Ustiga ustak, futbolchi ham yosh, ham gavdali (190sm, 85kg) ham juda tez ekani qayd etilgan.

Ayni damda “Ufa” legioneriga Rossiyaning eng boy va yetakchi klublari qiziqish bildirmoqda. Bular “Zenit”, “Lokomotiv” va “Spartak” jamoalaridir. Undan tashqari ushbu jamoalar qatoriga “Krasnodar” klubi ham qoʻshilishi mumkin, chunki Urunov aynan shu jamoada uzoq vaqt shugʻullangan.

Futbol ekspertlari Urunovning “Zenit” jamoasida toʻp surishiga shubha bilan qarashmoqda. Nega deganda jamoa tarkibida allaqachon 8 nafar xorijiy futbolchi bor. Urunov kelishi uchun ulardan biridan voz kechish kerak boʻladi. Lekin “Zenit”ning ulkan moliyaviy imkoniyatlarini hisobga olgan holda, ular Urunovni boshqa jamoaga ijaraga berish uchun sotib olishlari mumkin.

Ayni damda Urunov uchun eng istiqbolli jamoa “Spartak” deyilmoqda. Chunki ushbu jamoaga hozir turnir tablitsasida yuqoriga koʻtarilish juda ham zarur. Ikkinchidan jamoaga ayni damda “Ufa”ning sobiq murabbiyi rahbarlik qilmoqda va "Ufa"dan yaxshi oʻyinchilarni birin-ketin taklif qilmoqda.

Eslatib oʻtamiz, “Ufa” futbol klubi 19-yoshli Oʻzbekistonlik sportchi bilan 5 yillik shartnoma imzolagan. Shartnoma qiymati 150 ming dollar. 

Quyida "Ufa" - "Lokomotiv" oʻyini davomida rossiyalik sharhlovchilar bir ovozdan Oston Urunovning harakatlaridan qanday hayratga tushganinini tomosha qilish mumkin. 

Asosiy mavzular