06:21 24 Sentyabr 2020
Efir
  • RUB136.28
  • EUR12210.60
  • USD10315.62
Sport
Havola olish
163 0 0

Koronavirus pandemiyasi bilan bogʻliq murakkab vaziyat tufayli 2020 yil yakuniga qadar milliy jamoalar ishtirokida rasmiy oʻyinlar oʻtkazmaslikka qaror qilingan.

TOSHKENT, 13 avg — Sputnik. OFK va FIFA oʻzaro kelishgan holda Jahon chempionati-2022 va Osiyo kubogi-2023 qoʻshma saralash bahslari doirasidagi oktyabr va noyabr oyidagi oʻyinlarni 2021 yilga qoldirildi. Bu haqda OFK rasmiy saytida xabar qilindi.

Kuzda Oʻzbekiston milliy jamoasi JCH-2022 va Osiyo kubogi-2023 ga qoʻshma saralashidan oʻrin olgan bir qator uchrashuvlarda maydonga tushishi rejalashtirilgan edi. Xususan, JCH-2022 saralashining 2-bosqichida 13 oktyabr kuni safarda Yaman bilan, 12 noyabr kuni oʻz maydonida Singapur bilan, 17 noyabr kuni safarda Saudiya Arabistoniga qarshi bahs yuritishi lozim edi.

Xabarda yozilishicha, koronavirus pandemiyasi bilan bogʻliq murakkab vaziyat tufayli 2020 yil yakuniga qadar milliy jamoalar ishtirokida rasmiy oʻyinlar oʻtkazmaslikka qaror qilingan. Shu tariqa Jahon chempionati saralash oʻyinlarining barchasi 2021 yilga qoldirildi.

Hozircha saralash oʻyinlarining yangi sanasi haqida maʼlumot berilmagan.

Asosiy mavzular