TOShKENT, 24 sen — Sputnik. Moskvaning “Spartak” futbol klubi Twitter ijtimoiy tarmog‘ida o‘zbek tilidagi sahifasini yurita boshladi.
“Klubimizga bo‘lgan muhabbat butun dunyodagi muxlislarimizni birlashtiradi. “Spartak”ning o‘zbek tilidagi akkauntini qabul qilib oling!”, - deyiladi klub xabarida.
O‘zbek tilidagi sahifada birinchi bo‘lib Oston O‘runov chiqish qilgan.
“Oston O‘runovdan barchaga salom! “Spartak-Moskva” futbol klubining o‘zbek tilidagi rasmiy tvitter sahifasiga xush kelibsiz!”, - deyilgan xabarda.
Oston Urunovdan barchaga salom! «Spartak-Moskva” futbol klubining o‘zbek tilidagi rasmiy tvitter sahifasiga xush kelibsiz! 👋🇺🇿#ChiroyliQilamiz pic.twitter.com/GR72j89rPV
— «Spartak-Moskva” futbol klubi (@fcsm_uz) September 23, 2020
Eslatib o‘tamiz, o‘zbekistonlik yarim himoyachi Oston O‘runov avgust oyida rasman Moskvaning “Spartak” klubi o‘yinchisiga aylangan edi. Futbolchi Rossiya chempionatida uch marta maydonga tushdi. Mamlakat kubogi doirasidagi uchrashuvda esa “Rodina” darvozasiga debut golini kiritdi.
