TOShKENT, 19 okt — Sputnik. UFC bilan shartnoma imzolagan ilk o‘zbekistonlik sportchi Mahmud Murodovning navbatdagi jangi oldidan raqibi o‘zgardi.
Uning uchinchi jangi polshalik Kshishtof Yotkoga qarshi bo‘lib o‘tishi kerak edi, ammo u olgan jarohati tufayli bo‘lajak jangda ishtirok eta olmaydi.
“Afsuski, Kshishtof Yotko jarohat oldi, shuning uchun yangi shartnoma imzolashimga to‘g‘ri keldi. Musobaqa o‘tkaziladigan joy va sana o‘zgarmagan! 31-oktabr Las-Vegas”, - deya yozgan sportchi Instagram᾽dagi sahifasida.
Posmotret etu publikatsiyu v Instagram
Murodov endilikda amerikalik Kevin Hollandga qarshi oktagonga ko‘tariladi.
Holland 2015-yildan beri MMAda o‘z janglarini o‘tkazib kelmoqda. Hisobida 19 g‘alaba va 5 mag‘lubiyat bor.
Mahmud Murodov UFC’da hozirgacha ikkita jang o‘tkazgan. Har ikki jangda uning qo‘li baland kelgan.