TOShKENT, 27 okt — Sputnik. Yarim og‘ir va og‘ir vazn toifalarida UFC sobiq chempioni Daniyel Kormye Habib Nurmagomedov va Jastin Getji jangi yuzasidan izoh berdi.
Uning so‘zlariga ko‘ra, Habib jang davomida o‘z taktikasini o‘zgartirdi.
"Habib otasining sevimli og‘riqli usul -"armbar"dan foydalanmoqchi edi. Ammo keyinchalik u Getji ota-onasining ko‘z o‘ngida unga ozor bermaslikka qaror qildi. Habib "uchburchak "dan foydalanib, Jastinni “uxlatib qo‘ydi", - deydi sobiq jangchi.
UFC 254 musobaqasida Habib Nurmagomedov ikkinchi raundda Jastin Getji ustidan g‘alaba qozonib, chempionlik unvonini muvaffaqiyatli himoya qildi. Jangdan so‘ng rossiyalik chempion MMAdagi faoliyatini yakunlashini e’lon qildi.
Sportchi 29 ta jangda o‘tkazib, barchasida g‘alaba qozongan.
