00:54 04 Dekabr 2020
Efir
  • RUB137.48
  • EUR12473.23
  • USD10427.38
Sport
Havola olish
89602

Oktyabr oyining boshida Italiyaning “Jenoa” futbol klubi “Rostov” jamoasida toʻp surayotgan Oʻzbekiston terma jamoasi hujumchisi Eldor Shomurodovning transferi haqida eʼlon qilgan edi. Sputnik muxbiri Eldor yangi jamoada debyuti qanday oʻtgani bilan qiziqdi.

TOSHKENT, 12 noya — Sputnik, Dmitriy Matveyev. Yevropa futbolining A Seriyasida debyut qilganiga qadar Eldor Shomurodov Italiya matbuotida maqtovlarga sazovor boʻlgan edi. Bir qator nashrlar uni Sharqdan kelgan “yangi Pyontek” va hato “oʻzbek Messi”si deb atagan edi. (Kshishtof Pyontek - Jenoada 2018 yilda toʻp surgan polshalik futbolchi)  

Nufuzli "La Gazzetta dello Sport" nashri oktyabr oʻrtalarida Eldor haqida katta maqola chop etgan edi. Unda Eldorning biografiyasidan tashqari 2001-2014 yillarda Italiyaning "Yuventus", "Redjinu", "Krotone", "Jenoa", "Torino" va boshqa jamoalarida toʻp surgan birinchi oʻzbek futbolchisi Ilyas Zeytullayev ham esga olingan edi.

Maqolada aytilishiga koʻra, Oʻzebkiston terma jamoasining oʻz Buffon va Messilari bor. Xususan, jurnalist Nesterovni Buffonga va Eldorni Messiga tenglashtirgan.

Maqolada aytilishiga koʻra, Eldor “Bunyodkor” klubiga Rivaldo kelgan vaqtlarida futbolni sevib qolgan. Oʻshanda afsonaviy braziliyalik futbolchi Eldorning qoʻlini siqqan edi. Shundan soʻng jamoadoshlari hazillashib unga  uzoq vaqt qoʻlini yuvmay yurishni maslahat berishganini esga olgan.

Oʻzbekistonlik legioner "Jenoa" jamoasida 19 oktyabrda debyut match oʻtkazgan edi. “Verona”ga qarshi boʻlib oʻtgan oʻyin 0:0 hisobida durang natija bilan tugadi. Eldor ushbu oʻzinda oʻzini yaxshi tomondan namoyish qila olmadi. 63 daqiqada uning oʻrniga yosh hujumchi Djanluka Skamachcha chiqdi.

Oʻyin natijalariga koʻra "La Gazzetta dello Sport" Shomurodovga eng past baho qoʻydi— 5,0. Uning oʻrniga chiqqan hujumchi esa 6,5 ball olgan.

​Italiya nashrlari oʻzbekistonlik futbolchining sust debyutini yangi sharoitlarga moslashish bilan bogʻladi. “U juda koʻp mehnat qildi, lekin koʻproq oʻziga ishondi va koʻp xato qildi” – degan xulosaga kelgan u yerlik jurnalistlar. "Jenoa" jamoasining doimiy muxlislaridan biri oʻz Tvitterida Eldor yangi sharoitlarga moslashishi uchun vaqt kerak deb izoh qoldirgan.

“24 oktyabrda boʻlib oʻtgan navbatdagi oʻyinda "Jenoa" Milanning "Inter" jamoasiga yutqazib qoʻydi. Raqib kuchli boʻlgani tufayli "Jenoa" murabbiyi Rolando Maran Shomurodovni maydonga chiqarishga botinmadi shekilli. Oʻyin davomida asosiy hujumchilar makedoniyalik Goran Pandev va xorvatiyalik  Marko Pyatsa boʻldi. Eldor 65 daqiqada maydonga chiqdi, lekin bu safar ham oʻzini yaxshi namoyish qila olmadi. "Jenoa" oqibatda— 0:2 hisobida yutqazdi.

“Sampidoriya” jamoasi bilan boʻlib oʻtgan uchinchi oʻyinda Eldor umuman maydonda koʻrinmadi. Keyinroq uning jarohati borligi maʼlum boʻldi. “Torino” jamoasi bilan boʻlib oʻtgan navbatdagi oʻyinda Eldor oʻyinchilar roʻyxatida ham yoʻq edi.

Rasman Eldorning jarohati haqida klub tomonidan xabar tarqatilmagan boʻlsa-da, futbolchilar uning mushaklari jarohatlanganini maʼlum qilishdi. Shifokorlar aytishiga koʻra, u “Roma”ga qarshi boʻlib oʻtadigan 7-oʻyinda maydonga chiqishi kerak edi.

Lekin 8 noyabrdagi oʻyinda ham Eldor koʻrinmadi. "Jenoa" "Roma"ga 1:3 hisobida yutqazdi. Shundan soʻng oʻzbekistonlik futbol muxlislarida “bu yerda bir gap bor” degan haqiqiy shubha paydo boʻldi.

Genuyalik klub rasmiy Tvitterida bir necha kishi birdaniga “Shomurodov qani?” degan savollar bilan murojaat qilshdi. “Shomurodov yoʻq boʻlsa, bizga qiziq emas” deb yozdi ikkinchisi.

Shunday qilib, Eldorning Italiya jamoasiga kelganiga bir oy boʻlgan boʻlsa, uning kelajagi nomaʼlumligicha qolmoqda. Yoki u haqiqatdan travma olgan, yo klub rahbariyati legioner oʻyinidan mamnun emas, lekin “uydagi gap tashqariga chiqmasin” qabilida ish tutmoqda.

* Muallif fikri tahririyat nuqtai nazaridan farq qilish mumkin.

Asosiy mavzular