05:09 07 Mart 2021
Efir
  • RUB141.85
  • EUR12661.56
  • USD10517.12
Sport
Havola olish
99 0 0

Ispan klubi tez orada Oʻzbekiston tomoniga tijoriy taklif yuborishini maʼlum qildi. Tomonlar oʻzaro kelishuvga erishsa, klub mutasaddilari Oʻzbekistonga tashrif buyuradi.

TOSHKENT, 26 yanv — Sputnik. Ispaniyaning “Atletiko Madrid” klubi Oʻzbekistonda futbol akademiyasini ochish taklifini bildirdi. Bu haqda Turizmni rivojlantirish davlat qoʻmitasi matbuot xizmati xabar qilmoqda.

Ushbu taklif Madridda bosh vazir oʻrinbosari, Turizmni rivojlantirish davlat qoʻmitasi raisi Aziz Abduhakimovning ispan klubi rahbariyati bilan uchrashuvida muhokama qilindi.

“Atletiko Madrid” vakillari xorijda ochilgan akademiyalari faoliyati, Oʻzbekiston turizm salohiyatini dunyo boʻylab futbol ishqibozlariga tanitishdagi marketing imkoniyatlari haqida batafsil taqdimot oʻtkazishdi.

“Uchrashuv yakuniga koʻra, “Atletiko Madrid” klubi vakillari Oʻzbekistonda futbol akademiyasini tashkil etish va klub imkoniyatlaridan kelib chiqib, mamlakatimizning turizm salohiyati targʻibotida hamkorlik qilishni taklif qildi”, - deyilgan qoʻmita xabarida.

Klub tez orada Oʻzbekiston tomoniga tijoriy taklif yuborishini  maʼlum qildi. Tomonlar oʻzaro kelishuvga erishsa, klub mutasaddilari Oʻzbekistonga tashrif buyuradi.

Eslatib oʻtamiz, avvalroq Samarqandda Ispaniyaning “Real Madrid” futbol akademiyasi ochilishi xabar qilingan edi.

Teglar:
Turizmni rivojlantirish davlat qoʻmitasi, Atletiko Madrid, futbol

Asosiy mavzular