TOShKENT, 4 avg — Sputnik. Ushbu yilning 16-avgustidan boshlab har yakshanba kuni Toshkentdan Issiq-ko‘lgacha turistlar poyezdi qatnay boshlaydi, deb xabar qilmoqda “Novosti Uzbekistana” nashri.
“O‘ztemiryo‘lyo‘lovchi” AJ tomonidan tashkil qilingan poyezd 451/452 raqami bilan harakatlanadi. Poyezd Toshkentdan 16,23,30 avgust kunlari soat 13:27 da yo‘lga chiqib, Ribachye bekatiga 17,24, 31-avgust kunlari soat 12:44 da yetib keladi.
Orqa yo‘nalishga poyezd 18, 25-avgust va 1-sentabr kunlari soat 02.55 jo‘naydi va Toshkentga 19, 26-avgust va 2-sentabr kunlari soat 07:43 da yetib keladi. Poyezdda kupe, plaskart va vagon-restoranlar bor.
