05:21 23 Sentyabr 2018
Efir
  • RUB118.05
  • EUR9347.75
  • USD8039.00
gorod Termez

Surxondaryo koreyaliklar uchun xavfli boʻlgan hududlar roʻyxatidan chiqarildi

© Behruz Karimov
Turizm
Havola olish
27810

Bunga qadar ushbu hudud yuqori xatarli hududlar roʻyxatiga kirgan va tashrif buyurish uchun tavsiya etilmagan

TOSHKENT, 13 mar – Sputnik. Janubiy Koreya Tashqi ishlar vazirligi Surxondaryo viloyati markazi Termiz shahrini Janubiy koreyalik turistlar uchun xavfli boʻlgan hududlar roʻyxatidan chiqardi, deb xabar berdi Oʻzbekiston Turizmni rivojlantirish davlat qoʻmitasi matbuot xizmati.

"Oʻzbekiston Turizmni rivojlantirish davlat qoʻmitasi saʼy-harakatlari natijasida Surxondaryo viloyati va Termiz koreyalik fuqarolar uchun tashrif buyurish xavfli boʻlgan hududlar roʻyxatidan chiqarildi. Bunga qadar ushbu hudud yuqori xatarli hududlar roʻyxatiga kirgan va tashrif buyurish uchun tavsiya etilmagan", — deyiladi xabarda.

Qoʻmita matbuot xizmatining xabariga koʻra, 2 mart kuni Janubiy Koreya TIV mazkur qarorni chiqargan.

"Bu Koreyadan minglab turistlarning Oʻzbekistonga tashrif buyurishlariga qiziqish uygʻotadi hamda mamlakatlar oʻrtasida iqtisodiyot, turizm va madaniyat sohalaridagi hamkorlikni rivojlantirishga xizmat qiladi", — deyiladi qoʻmita xabarida.

Janubiy Koreyaning Oʻzbekistondagi elchisi Kvon Yon-U termizda boʻlib, turizm infratuzilmasini rivojlantirish borasidagi ishlar hamda turistik politsiya faoliyati bilan tanishgan.

Oʻtgan yilning avgustida Oʻzbekiston hukumati mamlakatda 2018-2019 yillarda turizmni rivojlantirish boʻyicha chora-tadbirlar dasturini tasdiqlagandi. Xususan, 2018 yil avgustida Termizda maydoni bir gektargacha boʻlgan yapon bogʻi hamda buddizm yodgorlik majmuasini qurish ishlarini boshlash koʻzda tutilgan. 2002 yil aprelida Oʻzbekistonda Termiz shahrining 2500 yilligi nishonlangan. Olimlarning fikricha, qadimda Termiz buddizm markazlaridan biri boʻlgan.

Asosiy mavzular