TOShKENT, 1-iyun — Sputnik. O‘zbekistonning Pokistondagi elchixonasi va "O‘zbekiston-Pokiston ishbilarmonlar Kengashi"hamkorligida ikki tomonlama munosabat tarixida birinchi marta Islomobod shahrining "Marriott" mehmonxonasida "Iftorlik" marosimi o‘tkazildi.
Iftorlikda Pokiston hukumat vakillari, siyosiy tashkilotlar, ziyolilar, tadbirkorlar, ommaviy axborot vositalari vakillari, diplomatik vakolatxonalar, xalqaro tashkilotlar rahbarlari, "Naqshbandiya" ordeni sohiblari, o‘zbek diasporalari vakillari qatnashdilar.
"Iftorlikning faxriy mehmonlari Pokiston poytaxti hokimi Shayx Ansar Aziz, Tashqi ishlar vaziri o‘rinbosari Zoxir Janjua, shuningdek Islomobod Savdo-sanoat palatasi prezidenti janob Ravalpindi bo‘ldi. Marosimda bir qator "Tabani Group", "Diners Group", "Arshad&Co." singari yirik kampaniya vakillari qatnashdilar", — deb xabar qildi O‘zbekiston Savdo-sanoat palatasi matbuot-xizmati.
Mehmonlarga O‘zbekistonda ishlab chiqarilgan mahsulot kataloglari va "Ziyorat turizm" bo‘yicha turli risolalar tarqatilgan. Bir vaqtning o‘zida O‘zbekistonda haj safarlari, respublikaning tarixiy shaharlari haqidagi video-roliklar ham namoyish etilgan.
Mehmonlar O‘zbekiston diplomatik vakolatxonasi tomonidan iftorlik dasturi tashkil etilishini O‘zbekistonda diniy va millatlararo bag‘rikenglikni himoya qilish va rivojlantirish singari insonparvar siyosat olib borayotganidan dalolat berishini alohida ta’kidladilar, deyiladi xabarda.
