05:15 10 Dekabr 2018
Efir
  • RUB123.85
  • EUR9408.25
  • USD8314.85
Turistы na ulitsax Buxarы

Oʻzbekistonda oilaviy mehmonxonalar tashkil etiladi

© Sputnik / Ramiz Baxtiyarov
Turizm
Havola olish
236 0 0

Turar joyga ega boʻlgan shaxs Oilaviy mehmon uylarini roʻyxatga olish va uning yagona reyestriga kirish uchun ariza berishi kerak.

TOSHKENT, 9 avg — Sputnik. Oilaviy mehmon uylari faoliyatini tashkil etish toʻgʻrisidagi Hukumat qarori qabul qilindi, deb xabar qildi "Huquqiy axborot" kanali.

Qarorga muvofiq oilaviy mehmon uyi – mazkur mehmon uyida uy egasining oila aʼzolari bilan birga yashash tamoyili boʻyicha bir vaqtning oʻzida 10 nafargacha tashrif buyuruvchilarga (turistlarga) vaqtincha yashash va (yoki) ovqatlanish boʻyicha xizmatlar koʻrsatuvchi xususiy uy-joydir. Bunda mazkur joy har bir yashovchi shaxsga 3 m2 hisobidan toʻgʻri keladigan turarjoy maydoniga ega boʻlishi lozim.

Oilaviy mehmon uyini tashkil etish uchun tegishli turar joyga ega boʻlgan shaxs Oilaviy mehmon uylarini roʻyxatga olish va uning yagona reyestriga kirish uchun ariza berishi kerak.

Mazkur reyestr Turizmni rivojlantirish davlat qoʻmitasi tomonidan yuritiladi.

Qoʻmita hujjatlarni olgan kunidan boshlab ularni uch ish kuni davomida koʻrib chiqadi hamda natijalar yuzasidan dalolatnomani rasmiylashtiradi.

Ushbu dalolatnoma asosida uylar yagona reyestrga kiritiladi, reyestrga kiritilgandan soʻng tegishli xizmatlarni koʻrsatish mumkin boʻladi.

Reyestrga kiritish toʻgʻrisidagi arizani koʻrib chiqish va koʻchirma berish uchun toʻlov undirilmaydi.

Oilaviy mehmon uylari yagona reyestriga kiritilgan tadbirkorlar buyurtmalariga binoan eng kam ish haqining 300 barobarigacha miqdorda, besh yil muddatga, shu jumladan 2 yillik imtiyozli davr bilan kreditlar ajratilishi mumkin.

Reyestr elektron shaklda yuritiladi va Turizmni rivojlantirish davlat qoʻmitasi rasmiy veb-saytiga joylashtiriladi.

Asosiy mavzular