21:39 18 Noyabr 2019
Efir
  • RUB148.82
  • EUR10455.03
  • USD9490.77
Turist v Uzbekistane

Oʻzbekiston turistlar oqimini 10 million kishigacha oshirmoqchi

© Flickr
Turizm
Havola olish
351 0 0

Joriy yil yakuni boʻyicha bu koʻrsatkich 6,4-6,5 million kishini tashkil etishi kutilmoqda

TOSHKENT, 13 iyul — Sputnik. Oʻzbekistonda turizmni rivojlantirishning yangi dasturi ishlab chiqildi, boshqa mamlakatlardan keladigan mehmonlar oqimi 10 million kishiga ortishi mumkin. Respublika prezidenti Shavkat Mirziyoyev MDHga aʼzo davlatlar turizm boʻyicha kengashi va uning doirasida oʻtkazilgan Birinchi turistik yarmarka yakunlari bilan tanishib chiqqach tegishli topshiriqlarni bergan. Bu haqda Bosh vazir oʻrinbosari Aziz Abduxakimov maʼlum qildi.

Tadbir Samarqandda 10-11 iyul kunlari boʻlib oʻtdi, unda turistik soha rivojlanishini tartibga soluvchi idoralar xodimlari, shuningdek, turistik biznes vakillari va taʼlim sektori vakillari - ushbu soha uchun kadrlar tayyorlash bilan shugʻullanuvchi 11 OTM rektorlari ishtirok etdilar.

Aziz Abduhakimov oʻn million turist - erishsa boʻladigan raqamlar ekanini aytdi, deb xabar qilmoqda Sputnik Oʻzbekiston muxbiri. Qayd etilishicha, joriy yil yakunlari boʻyicha ushbu koʻrsatkich 6,4-6,5 million kishini tashkil qiladi.

"Biz koʻproq ziyorat-turizm, agro-turizm, etno-turizm ustida ishlashimiz kerak — mana shular mamlakatga koʻproq mehmonlarni jalb etadi. Keyingi yoʻnalish — Oʻzbekistonga yoʻl ochish uchun logistika bilan bogʻliq masalalarni hal qilishimiz kerak. Biz qitʼa oʻrtasida joylashganmiz, aviachiptalar juda qimmat, milliy aviatashuvchimiz monopoliyasi mavjud. Biz bu yerda aql bilan ish tutmogʻimiz lozim, toki milliy aviakompaniya bozorda ustuvorlikka ega boʻlsin, shu bilan birga erkin raqobat boʻlsin va chet el aviakompaniyalari oʻzbek bozoriga toʻsiqlarsiz kirib kelsinlar", - dedi bosh vazir oʻrinbosari.

Bundan tashqari koʻproq mehmonxonalar qurish lozim. Hozirda tadbirkorlarga imtiyozlar taklif etishmoqda - misol uchun kompensatsiyalar: uch yulduzli mehmonxonaning bitta nomeri uchun - 40 million soʻm, 65 million esa toʻrt yulduzli mehmonxona nomeri uchun.

"Bu imtiyoz ish berishni boshladi. Bugungi kunda oʻnta mehmonxonadan ariza kelib tushgan, biz ularning barchasini qoplab beramiz. Yana oʻttiztasi tayyorgarlik koʻrmoqda", - dedi Abduxakimov.

Bundan tashqari, Oʻzbekistonda xostellar faoliyatiga talablar soddalashtirildi, shu tufayli xostellar soni birdaniga "qoʻziqorin"dek koʻpaydi. Shuningdek, Airbnb tizimi joriy etilgan boʻlib, shu tufayli, maʼlum talablarni bajargach mehmonlarni mamlakatning har bir fuqarosi qabul qilish imkoniga ega boʻladi.

Asosiy mavzular