08:07 13 Noyabr 2019
Efir
  • RUB148.82
  • EUR10455.03
  • USD9490.77

Turkiyadan birinchi charter parvozi amalga oshirildi

© Goskomturizma
Turizm
Havola olish
151 0 0

Turkiyadan uchib kelgan birinchi charter parvozi yoʻlovchilari orasida 100dan ortiq jurnalist, bloger, turfirma vakillari va din arboblari bor.

TOSHKENT, 1 noya – Sputnik. Kecha Buxoroda Istanbuldan uchib kelgan birinchi charter parvoz tantanali kutib olindi, deb xabar qilmoqda Oʻzbekiston Turizmni rivojlantirish qoʻmitasi.  

"31-oktyabr kuni erta tongda Turkiyaning "Atlasglobal Airlines" aviakompaniyasiga qarashli Airbus-321 samolyoti Istanbul-Buxoro yoʻnalishidagi ilk charter reysni amalga oshirdi. Samolyot Buxoro xalqaro aeroportida viloyat hokimligining qator mutasaddi tashkilotlari vakillari tomonidan tantanali ravishda kutib olindi", - deyilgan xabarda. 

“Qardosh Oʻzbekistonga kelganimizdan juda baxtiyormiz. Turkiyadan qariyb 25 nafar turoperator va 100 ga yaqin mehmon bilan Istanbul-Buxoro birinchi charter reysida parvozni amalga oshirdik. Turkiyada Oʻzbekistonning tarixi, madaniyati, maʼnaviyatini koʻrib bahramand boʻlish uchun bu yerga kelishni istaydigan insonlar juda koʻp", - deb  “Uchbey” turistik kompaniyasi rahbari Muhammad Gulserenning soʻzlarini keltirgan Qoʻmita.

Charter reysning ilk yoʻlovchilari orasida turkiyalik jurnalist, bloger, turistik firmalar rahbarlari va xodimlari, shuningdek, qator din arboblari va olimlar bor. Ayni damda, mehmonlar Buxoro viloyatining qadimiy hamda diqqatga sazovor maskanlari boʻylab sayohat qilishmoqda. Navbatdagi charter reys 4 noyabr kuni Istanbul-Samarqand yoʻnalishida amalga oshirilishi kutilmoqda, deyilgan xabarda.

Pervыy charter iz Turtsii

Asosiy mavzular