18:22 30 Mart 2020
Efir
  • RUB130.22
  • EUR10572.34
  • USD9520.34
Turizm
Havola olish
144 0 0

Oʻzbekiston 300 kishidan ortiq yoʻlovchi uchun charter parvozlari tashkil qilgan aviakompaniyalarga bir necha ming dollardan chegirma berishga tayyor ekanini xabar qildi.

TOSHKENT, 19 fev – Sputnik. Bosh vaziri oʻrinbosari Aziz Abduhakimov Oʻzbekiston charter parvozlari tashkil qilgan aviakompaniyalarga davlat tomonidan chegirma berilishini eʼlon qildi, Sputnik muxbiri xabariga asosan.

“Biz ommaviy turizmga, charter parvozlarni qabul qilishga tayyormiz. Oʻzbekiston  charter parvozlar uchun eng katta chegirmalar taklif qilishga tayyor. Maslan 300 kishilik bort uchun yuqori mavsumdada 6 ming past mavsumda 15 ming AQSH dollarigacha chegirma berishga tayyor”, - dedi Abduhakimov.

Shuningdek Abduhakimov Oʻzbekistonda kichik aviatsiya, vertolyot parvozlari lyuks klassdagi  xizmatlar koʻrsatish rivojlanayotganini ham xabar qildi.

Maʼlumot uchun, yaqinda Oʻzbekiston aeroportlarida xizmat narxlaridan 20 % chegirma berilishi haqida eʼlon qilingan edi.  

Eslatib oʻtamiz, soʻnggi 2 yil davomida Oʻzbekiston aviatsiya sohasini monopoliyaning salbiy taʼsiridan xoli qilish maqsadida bir qator choralar koʻrilmoqda. Xususan Oʻzbekiston aeroportlarini Milliy aviakompaniya boshqaruvidan chiqarib alohida "Uzbekistan airports" kompaniyasi tashkil qilindi. Undan Tashqari Oʻzbekistonda ikkinchi aviakompaniya - Humo Air paydo boʻldi. Shuningdek, yaqin orada yana beshta aviakompaniya tashkil qilish rejalashtirilgani ham xabar qilindi. 

Asosiy mavzular