21:47 05 Iyul 2020
Efir
  • RUB145.97
  • EUR11411.48
  • USD10173.38
Turizm
Havola olish
COVID-19 umumjahon pandemiyasi (938)
180 0 0

Tailand Qirolligi Hukumati 18 ta davlat, jumladan Oʻzbekiston fuqarolari uchun mamlakat aeroportlarida kirish vizalarini (Visa on Arrival) rasmiylashtirish tartibini bekor qildi.

TOSHKENT, 12 mar — Sputnik. Oʻzbekiston Tashqi ishlar vazirligi Tailandga borishni rejalashtirayotgan fuqarolarga murojaat qilib, Qirollik viza berish tartibini kuchaytirganini maʼlum qildi.

Mamlakatning Bangkok shahridagi bosh konsulxonasi bergan maʼlumotga koʻra, Tailand Qirolligi Hukumati 18 ta davlat, jumladan Oʻzbekiston fuqarolari uchun mamlakat aeroportlarida kirish vizalarini (Visa on Arrival) rasmiylashtirish tartibini bekor qilgan. Bunga dunyo boʻylab COVID-19 koronavirusining tarqalishi sabab boʻlgan.

Taʼkidlanishicha, Tailand tomoni mazkur mamlakatlarning fuqarolariga kirish vizalarini qirollikning xorijdagi diplomatik vakolatxonalaridan birida rasmiylashtirishni tavsiya qilmoqda. Ushbu jarayon nomaʼlum muddatga joriy qilinmoqda va koronavirus tarqalishi darajasining pasayganidan keyin qayta koʻrib chiqiladi.

TIV Tailand, Kambodja va Laos hududida boʻlib turgan Oʻzbekiston fuqarolariga zarur holatlarda mamlakatning Bangkok shahridagi bosh konsulxonasiga +66-2-675-39-95 va +66-9-5502-6770 telefon raqamlari orqali murojaat qilishlari mumkinligini eslatib oʻtgan.

Mavzu:
COVID-19 umumjahon pandemiyasi (938)

Asosiy mavzular